«Իմ Ամերիա, իմ Հայաստան». Ամերիաբանկի նոր նախագիծը (տեսանյութ)
ՀասարակությունԱմերիաբանկը ցանկանում է մարդկանց մասնակից դարձնել կյանքի որակը բարելավելու իր առաքելությանն ու Հայաստանում ապրելու և արարելու էլ ավելի մեծ հիմքեր ստեղծել. մեկնարկում է «Իմ Ամերիա, իմ Հայաստան» նախագիծը, որի ներքո իրականացվելու է երեք արշավ
Ամերիաբանկը մեկնարկում է «Իմ Ամերիա, իմ Հայաստան» նախագիծը, որի շրջանակում իրականացվելու է երեք՝ «Իմ Ամերիա, իմ Հայաստան», «Իմ Ամերիա, իմ տուն» և «Իմ Հայաստան, իմ ապագա»արշավ: Մեգերյան կարպետի հարկի ներքո հրավիրված մամուլի ասուլիսի ժամանակ Ամերիաբանկի Տնօրինության նախագահ-Գլխավոր տնօրեն Արտակ Հանեսյանն ու Մանրածախ բանկինգի տնօրեն Արման Բարսեղյանը ներկայացրեցին մանրամասներ արշավների մասին և թե ինչպես կարող են քաղաքացիները ներգրավվել դրանցում:
Ամերիաբանկի գլխավոր տնօրենն ընդգծում է՝ այս երեք արշավիմիջոցով ցանկանում են շնորհակալություն հայտնել այն բոլոր մարդկանց, որոնք այս տարիների ընթացքում եղել են Ամերիաբանկի կողքին և նպաստել են Բանկի՝ կյանքի որակի բարելավման առաքելության իրագործմանը։ Վերահաստատելով իր առաքելությունը՝Ամերիաբանկը հրավիրում է բոլորին միանալ իրենց և միասին շարունակել հոգ տանել ու զարգացնել մեր տունը` Հայաստանը:
Արշավներից առաջինը «Իմ Ամերիա, իմ Հայաստան» խորագիրն է կրում, որի շրջանակում Բանկն առաջարկում է միասին ընտրել այն ոլորտները, որոնց ուղղվելու է իրենց կորպորատիվ սոցիալական պատասխանատվության (ԿՍՊ) ու բարեգործական ծրագրերի բյուջեից 100 միլիոն դրամ։ «Ուզում ենք տալ հնարավորություն մեր հաճախորդներին և հաճախորդ չհանդիսացող մեր բոլոր քաղաքացիներին մասնակցելու այդ որոշումների կայացմանը և օժանդակելու մեզ: Միասին կորոշենք, թե 2025 թ.-ին որ ոլորտներին է ուղղվելու 100 միլիոն դրամը: Բանկի հաճախորդները հնարավորություն կունենան քվեարկելու MyAmeria հավելվածի միջոցով»,-նշում է Հանեսյանը:
Քվեարկության ուղղություններն ութն են՝ երեխաների առողջություն, կրթություն, կայունզարգացում, ՓՄՁ, տեղեկատվական տեխնոլոգիաներ, գիտություն, մշակույթ և սպորտ։Քվեարկությունն անցկացվելու է հոկտեմբերի 16-ից մինչև դեկտեմբերի 31-ը ներառյալ: Այս բոլոր ուղղություններով Ամերիան առ այսօր իրականացրել է ավելի քան 2,7 միլիարդդրամի բարեգործական և ԿՍՊ նախագծեր։
Հաջորդ արշավն «Իմ Ամերիա, իմ տուն» խաղարկությունն է, որին մասնակցելով հնարավորություն կստանաք շահել բնակարան մայրաքաղաքում գտնվող «Մոնթե» թաղամասում: ԱմերիաբանկիՄանրածախ բանկինգի տնօրեն Արման Բարսեղյանը տեղեկացնում է, որ մինչև դեկտեմբերի 31-ը մասնակիցները որոշակի գործողությունների և քայլերի արդյունքում կուտակելու են պրոմոկոդեր: Այնուհետևմինչև հունվարի 31-ը վիճակահանության միջոցով պատահականության սկզբունքով որոշվելու է հաղթողը: Պրոմո կոդ ստանալու տարբերակները բազմազան են՝ բացել հաշիվ Ամերիաբանկում,պատվիրել քարտ, մուտք գործել MyAmeria և կատարել այնտեղ գործարքներ, վճարելMyPay-ով, կատարել գործարքներ MyInvest-ով և այսպես շարունակ։Բնական է, որ որքան շատ գործողություններ կատարեք այս բոլոր հարթակներում, այնքան շատ պրոմոկոդեր կստանաք, իսկ սրա արդյունքում կմեծացնեք տունշահելու հավանականությունը։«Այս նախաձեռնության հիմնական նպատակը Հայաստանում ապրելու և արարելու կարևորությունը շեշտադրելն է և այդ պատճառով որպես վիճակախաղի շահում ընտրեցինք բնակարանը»,-հավելում է Բարսեղյանը:
Ամերիաբանկի ուշադրության կենտրոնում է կրթությունը: Հենց դրան է ուղղված «Իմ Հայաստան, իմ ապագա» մրցույթը: «Այս նախաձեռնությունն իրականացվում է VISA-ի հետ համատեղ: Մեր գործընկերոջ հետ տարիների ընթացքում բազմաթիվ նախագծեր ենք իրականացրել, սա հերթականն է: VISA կազմակերպության աջակցությամբ փորձում ենք խրախուսել ուսանողներին, հատկապես նրանց, որոնք Հայաստանի ապագայի հանդեպ սրտացավ մոտեցում ունեն և պատրաստ են իրենց մտքերն իրականություն դարձնել, պատրաստ են աշխատել իրենց հմտությունները կատարելագործելու ուղղությամբ»,-ասում է Ամերիաբանկի Մանրածախ բանկինգի տնօրենը:
Եվ այսպես՝ մրցույթի շրջանակում Հայաստանի պետական և մասնավոր բուհերի բոլոր այն ուսանողները, ովքեր Ամերիաբանկի VISA Student քարտապան են՝ հնարավորություն կունենան ստանալու երեք մրցանակ:Որպես առաջին մրցանակ՝ նախատեսված է 160 կրթաթոշակ՝ ամսական 50000 դրամի չափով, որը հաղթող ուսանողները կստանան 5 ամիս շարունակ 2024-2025 թթ.երկրորդ ուսումնական կիսամյակի ընթացքում։ Երկրորդ մրցանակը աշխարհի լավագույն բուհերից մեկում ուսանողական կարճաժամկետ ծրագրի մասնակցելու հնարավորությունն է՝ «Իմ Հայաստան, իմ ապագա» խորագրով 10 լավագույն նախագծի հեղինակների համար, և երրորդը՝ 3 լավագույն նախագծերի ֆինանսավորումն է՝ընդհանուր մինչև 10 մլն դրամի չափով:
Ընդ որում՝ կրթաթոշակին հավակնելու համար անհրաժեշտ է լինել նվազագույնը 2-րդ կուրսիուսանող, հավաքել ամենաբարձր միավորները թեստից, և ունենալ ամենաբարձր ՄՈԳ-ը (տվյալ բուհի առավելագույն արժեքի առնվազն 65 տոկոսը), իսկ նախագծի ֆինանսավորում ստանալու և/կամ աշխարհի լավագույն բուհերից մեկիծրագրին մասնակցելու համար անհրաժեշտ է հավաքել ամենաբարձր միավորները և՛թեստից, և՛ նախագծերի գնահատումից (անկախ ՄՈԳ-ից)։
Ամերիաբանկի «Իմ Ամերիա, իմ Հայաստան» նախագծի և արշավների նպատակն է միավորել մարդկանց բանկի առաքելության իրականացման շուրջ և միասին բարելավել կյանքի որակը:
Արտակ Հանեսյանն ընդգծում է՝ որպես Հայաստանի ֆինանսական համակարգի առաջնորդներից մեկը և տեխնոլոգիական առաջատար ընկերություն, կարևոր են համարում ցանկացած նախաձեռնության մեկնարկին առաջին հերթին կիսվել նորություններով լրատվամիջոցների հետ: Բայց նորություններին անդրադառնալուց առաջ պարոն Հանեսյանը ներկայացրեց մի շարք ցուցանիշներ: «Գործունեության ողջ ընթացքում միջազգային հեղինակավոր ամսագրերի կողմից Ամերիաբանկը ստացել է ավելի քան 100 մրցանակ, որից 30-ը «Հայաստանի լավագույն բանկ» անվանակարգում: Այս տարի 10-ից ավելի մրցանակ ենք ստացել, որից երկուսը «Euromoney» և «Globalfinance» ամսագրերի կողմից՝ դարձյալ որպես «Հայաստանի լավագույն բանկ»: Միջազգային ֆինանսական կառույցներից այս տարիների ընթացքում ներգրավվել ենք ավելի քան մեկ միլիարդ դոլարին համարժեք միջոցներ տնտեսության ոլորտների վարկավորման նպատակով: Հայաստանի փոքր և միջին ձեռնարկությունների ոլորտի զարգացմանն ուղղվել է ավելի քան 500 միլիարդ դրամի ֆինանսավորում: Տասներորդ տարին անընդմեջ առաջատար ենք վարկային պորտֆելի մեծությամբ, որը երրորդ եռամսյակի արդյունքներով կազմել է 1,13 տրիլիոն դրամ: Վերջին հինգ տարիներին եղել ենք ամենախոշոր հարկատու բանկը և պետական բյուջե վճարել մոտ 58 միլիարդ դրամի հարկ: Մեր գործունեության ընթացքում նաև իրականացրել ենք կորպորատիվ սոցիալական պատասխանատվության (ԿՍՊ) և բարեգործական ծրագրեր մոտ 2,7 միլիարդ դրամի շրջանակներում»,-ընդգծում է Հանեսյանը:
