Օրերս՝ իր ելույթում ԱՄՆ նախագահի հանրապետական թեկնածու Դոնալդ Թրամփը նաև անձնական բնույթի հայտարարություններ է կատարել դեմոկրատ մրցակցի՝ Քամալա Հարիսի հասցեին։ Սպիտակ տան նախկին ղեկավարի դաշնակիցների, հովանավորների ու խորհրդականների շրջանում աճում է մտահոգությունն այս առնչությամբ։ Նրանք հանրապետական գործչին հորդորում են կենտրոնանալ քաղաքական հարցերի վրա։
Չորեքշաբթի հանդես գալով Հյուսիսային Կարոլինա նահանգի Էշվիլ քաղաքում հրավիրված հանրահավաքին՝ Թրամփը որոշեց այս անգամ խուսափել, օրինակ, Հարիսի էթնիկ ծագմանը վերաբերող թեմաներից և ավելի շատ խոսեց քաղաքական հարցերից:
Սակայն այս անգամ էլ Թրամփը չկարողացավ զերծ մնալ վիրավորանքից ու հեգնանքից՝ ԱՄՆ փոխնախագահին անվանելով «հիմար», նրա ծիծաղը՝ «քրքիջ» և նշելով, թե «լուրջ խնդիրներ ունեցող մարդու ծիծաղն է»։
ԱՄՆ նախագահի Դեմոկրատական կուսակցության թեկնածու դառնալուց հետո Հարիսը կարողացել է կտրուկ փոխել է ուժերի վարկանիշային հարաբերակցությունը: Սոցհարցումների համաձայն՝ Թրամփի առավելությունը աստիճանաբար կրճատվում է:
Հնարավոր է՝ այս հանգամքն է գլխավորը, ինչը ստիպել է Թրամփին նման կերպ կոշտացնել իր խոսքը։ Հանրապետականների թեկնածուն շարունակում է խոսել է, որ Հարիսը, ում մայրը ծնվել է Հնդկաստանում, իսկ հայրը՝ Ճամայկայում, «միայն վերջերս է սկսել հանդես գալ որպես աֆրոամերիկացի»:
