Մանրամասներ՝ Անապայում տեղի ունեցած ողբերգական դեպքից․ ովքե՞ր էին երեք հայ տղամարդիկ և ինչո՞ւ չեն փրկվել
ՀասարակությունՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երեկ ողբերգական դեպք է տեղի ունեցել Ռուսաստանի Դաշնության Կրասնոդարի մարզի Անապա քաղաքում։
Համացանցում տեղեկություն տարածվեց, որ Անապա քաղաքի գինեգործարաններից մեկի տարածքում գտնվող փոքր լճակում հիդրոցիկլից ընկնելուց հետո երեք հայ տղամարդ է զոհվել՝ խեղդվելով ջրում։ Նրանցից երկուսը՝ 36-ամյա Կարենը և 31-ամյա Վիգենը հարազատ եղբայրներ էին, իսկ 20-ամյա Կարենը՝ նրանց զարմիկը։ Նրանք երեքով են եղել հիդրոցիկլի վրա, որը վարելու ընթացքում մի պահ կտրուկ շրջադարձ է կատարում, և երեքն էլ ընկնում են ջուրը։
MediaHub-ին որոշակի մանրամասներ են հայտնի դարձել այս ողբերգական դեպքից և զոհվածներից։ Այդպես, զոհվածները ծնունդով Ջավախքից էին՝ Վահան Տերյանի ծննդավայր Գանձա գյուղից։ Եղբայրներ Կարենն ու Վիգենը տևական ժամանակ է՝ Անապայում էին բնակվում, զբաղվում էին շինարարական բիզնեսով և բավականին հաջողակ գործարարներ էին։ Երկուսն էլ ամուսնացած էին, Կարենն ունի երկու երեխա, իսկ Վիգենի երեխան նոր էր ծնվել։ Նրանց զարմիկ Կարենն էլ տան միակ տղան էր։
Այդ օրն ընտանիքներով մեկնել էին քաղաքից դուրս՝ հանգստի։ Լճակը, որի վրա որոշել են հիդրոցիկլ վարել, գտնվում է Անապայից քիչ հեռու՝ Հայկաձորի հայկական եկեղեցու մոտակայքում, մասնավոր լճակ է։ Տեսանյութում երևում է, որ եղբայրները փորձում են օգնել 20-ամյա Կարենին, որը չի կարողանում լողալ և խեղդվում է, սակայն նրանք էլ հետն են խեղդվում։ Բանն այն է, որ եղբայրներ Վիգենն ու Կարենը լավ լողորդ էին, հաճախ էին գնում ձուկ բռնելու, և լճում լողալու խնդիր չունեին։ Սակայն լիճը, որում հայտնվել էին իրենք, իրականում ճահիճ էր՝ հատակին տիղմ է եղել, որն էլ քաշել է ներքև տղամարդկանց ու չի թողել լողալ, ինչն էլ հանգեցրել է նրան, որ երեքն էլ խեղդվել են։
Այդ ամենը տեսանկարահանել են նրանց հարազատները։
Մեզ ասացին, որ փրկարարական բաճկոն տղաներն ունեցել են, բայց հավանաբար իրենց ուժերին վստահ են եղել ու չեն կրել։ Բաճկոնները, սակայն, հարազատների մոտ են եղել, ու, զարմանալիորեն, որևէ մեկը չի փորձել դրանք նետել ջուրը, որ գոնե դրանց միջոցով փրկվեին։ Հավանաբար որևէ մեկի մտքով չի անցել, որ կարող են այդ բաճկոնները ջուրը նետելով՝ փրկել խեղդվողներին։ Իրենք էլ չեն կարողացել մտնել ջուրը, քանզի կանայք են եղել, տեսանյութում էլ հենց կանանց ձայն է լսվում։
Համենայնդեպս, մեզ այդպես պատմեցին Անապայում զոհվածներին ճանաչող մտերիմ անձինք։
Մեզ ասացին նաև, որ տղաների մարմինները այդ օրը չեն կարողացել գտնել, հաջորդ օրը նրանցից երկուսի մարմինը դուրս է եկել ջրի երես, մյուսինն էլ փրկարարներն են հայտնաբերել, դուրս բերել։
Վահե Մակարյան
Առավել մանրամասն` այստեղ.
https://t.me/armenia24live
