Հայաստանում հեպատիտ C-ից բուժվում է ավելի քան 450 բուժառու, որոնցից 70-ը՝ ՔԿՀ–ներում
Հասարակություն![](banners/solaron_s.gif?v=4)
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
2024 թ. հունվարի 1–ից մինչ այս պահը Հայաստանում հեպատիտ C–ից բուժվել ու դեռ շարունակում է բուժում ստանալ շուրջ 456 պացիենտ, որից 78–ը` քրեակատարողական հիմնարկներից։ Տեղեկությունը ասուլիսի ժամանակ հայտնեց ՀՀ առողջապահության նախարարության դեղորայքային քաղաքականության և բժշկական տեխնոլոգիաների վարչության պետ Մարինա Հարությունյանը։
«Բոլոր պացիենտները բուժվում են վերջին սերնդի դեղերով։ Որևէ պացիենտ գենետիկ հետազոտության կարիք այլևս չի ունենում»,– նշեց նա։
Հարությունյանը հիշեցրեց, որ հեպատիտ C–ի բուժումն ու դեղերի անվճար տրամադրման ծրագիրը սկսել է գործել 2020 թվականից, որն այդ ժամանակ ներառել էր շուրջ 500 պացիենտ։
2020–2023 թթ. հեպատիտ C–ով բուժում է ստացել արդեն 2 569 պացիենտ։
ՔԿՀ–ներում գտնվող բուժառուները ծրագրում ներառվել են 2022 թվականից, մինչ այդ ծրագրից դուրս էին մնացել ու երբևէ բուժում չէին ստացել։ Արդյունքում 2022 թ. բուժում ստացած պացիենտներից շուրջ 250–ը ՔԿՀ–ներից են եղել։
«Ծրագիրն ունի մեծ արդյունավետություն` շուրջ 98 տոկոս։ Վաղ հայտնաբերման դեպքում պացիենտը 100–տոկոսանոց բուժում է ստանում։ Բուժման տևողությունը 3 ամիս է, անհրաժեշտության դեպքում բուժումը կարող է երկարաձգվել մինչև 6 ամիս։ Ուշ հայտնաբերված դեպքերի ժամանակ լինում է շուրջ 70–տոկոսանոց լավացում»,– ասաց առողջապահության նախարարության ներկայացուցիչը։
Նա նշեց` եթե ծրագրի ներդրման ժամանակ կար տարեկան 500-–1000 պացիենտի սահմանափակում, ապա հիմա, կախված նախարարության ֆինանսական միջոցների ավելացումից, այդ սահմանափակումը հանվել է։