5 հիվանդություն, որոնք այսօր անբուժելի են համարվում

Շատ հիվանդություններ, որոնք նախկինում անբուժելի էին համարվում, այսօր արդեն բուժվում են կամ վերահսկվում: Սակայն դեռեւս կան հիվանդություններ, որոնց դեմ բժշկությունն անզոր է:

Ալցհեյմերի հիվանդություն

Դեմենցիան նյարդային համակարգում փոփոխությունների արդյունք է, որոնք հանգեցնում են կոգնիտիվ ֆունկցիաների հետ կապված խնդիրների: Ռիսկի առանցքային գործոն են ժառանգականությունը, հիպերտոնիան, անառողջ կենսակերպը: Հիվանդությունը գնալով երիտասարդանում է:

Ալցհեյմերի հիվանդության դեմ բուժում դեռ չկա: Այսօր կիրառվող դեղամիջոցներն ուղղված են գլխուղեղում փոփոխությունների դանդաղեցմանը:

Շաքարային դիաբետ

Ե՛վ առաջին, եւ՛ երկրորդ տեսակի շաքարային դիաբետն անբուժելի է, սակայն առկա դեղամիջոցներն ու ինսուլինի ներարկումներն օգնում են պահպանել պացիենտների առողջությունն ու պաշտպանում բարդացումներից:

Պարկինսոնի հիվանդություն

Տարիքի հետ Պարկինսոնի հիվանդությունը զարգանում է, եւ չնայած նրան, որ այն ուղիղ վտանգ չի ներկայացնում մարդու կյանքի համար, այն ազդում է կյանքի որակի վրա:

Պարկինսոնի հիվանդության ախտանիշներից են՝ գլխի ցնցումները, ձեռքերում դողը, որոնք ժամանակի հետ ուժգնանում են: Յուրաքանչյուր պացիենտի համար բուժումն անհատական է: Սակայն վերջնական բուժում չկա:

Ցրված սկլերոզ

Այս հիվանդության դեմ առկա դեղամիջոցները թեթեւացնում են պացիենտների վիճակն ու հնարավորինս դանդաղեցնում հիվանդության զարգացումը:

Ասթմա

Բրոնխիալ ասթման եւս անբուժելի հիվանդություն է համարվում, չնայած այն հաճախ վերահսկվում է դեղամիջոցների եւ ճիշտ կենսակերպի շնորհիվ

Շարունակություն...