ԱՄՆ Ներկայացուցիչների պալատի խոսնակ Մայք Ջոնսոնը Բայդենին կոչ է արել անհապաղ հրաժարական տալ
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ԱՄՆ Ներկայացուցիչների պալատի խոսնակ Մայք Ջոնսոնը Բայդենին կոչ է արել անհապաղ հրաժարական տալ:
«ԱՄՆ-ը կոչ է անում իր հակառակորդներին՝ հիշել, որ երկիրը պատրաստ է պաշտպանել իր շահերն արտասահմանում, չնայած Սպիտակ տանը առկա քաոսին»,- հայտարարել է Ջոնսոնը
Հիշեցնենք, որ Ջո Բայդենը դուրս է եկել ԱՄՆ նախագահական ընտրությունների մրցապայքարից։
Այդ մասին ԱՄՆ գործող նախագահը հայտնել է X-ի իր միկրոբլոգում։
«Մենք, որպես ազգ, զգալի առաջընթաց ենք գրանցել վերջին երեքուկես տարում։ Այսօր Ամերիկան ունի աշխարհի ամենահզոր տնտեսությունը։
Ամերիկան, առաջնորդող դեր խաղալու առումով, երբեք ավելի լավ վիճակում չի եղել, քան այսօր:
Ես գիտեմ, որ դրանցից ոչ մեկին չէր հաջողվի հասնել առանց ձեզ, ամերիկացի ժողովրդի: Միասին մենք հաղթահարել ենք համավարակը և ամենամեծ տնտեսական ճգնաժամը Մեծ դեպրեսիայից ի վեր։ Մենք պաշտպանել և պահպանել ենք մեր ժողովրդավարությունը։ Մենք վերածնել և ամրապնդել ենք մեր դաշինքներն ամբողջ աշխարհում։
Ինձ համար մեծագույն պատիվ էր կյանքիս մի մասը լինելու ձեր Նախագահ: Թեև ես մտադիր էի վերընտրվել, բայց կարծում եմ, որ իմ կուսակցության և երկրի լավագույն շահերից է բխում, որ դուրս գամ ընտրապայքարից և մնացած ժամանակահատվածում կենտրոնանամ նախագահի իմ պարտականությունների կատարման վրա։ Այս շաբաթվա վերջին ես ավելի մանրամասն կպատմեմ ժողովրդին իմ որոշման մասին»,- գրել է Բայդենը:
Նա նաև հայտարարել էր, որ լիովին աջակցում է փոխնախագահ Քամալա Հարրիսին`որպես դեմոկրատական կուսակցության միասնական թեկնածու:
