Այս օրերին մեր «ՀայաՔվե» նախաձեռնության ուսումնա-գործնական հավաքն է անցնում Վայոց ձորի մարզում. Ավետիք Չալաբյան
Հասարակություն![](banners/solaron_s.gif?v=4)
![Այս օրերին մեր «ՀայաՔվե» նախաձեռնության ուսումնա-գործնական հավաքն է անցնում Վայոց ձորի մարզում. Ավետիք Չալաբյան](/timthumb.php?src=disc/19-07-24/cbee103d579254a2e5a1b95c34cfe220.jpg&w=780)
Քաղաքական-հասարակական գործիչ Ավետիք Չալաբյանը ֆեյսբուքյան իր էջում գրել է.
Այս օրերին մեր «ՀայաՔվե» նախաձեռնության ուսումնա-գործնական հավաքն է անցնում Վայոց ձորի մարզում: Նրա շրջանակներում յուրաքանչյուր օր ծրագրում ենք այցելել մարզի տարածքում գտնվող սրբավայրերից մեկը, և այսօր մեր ծրագիրը սկսեցինք Արկազի Սուրբ Խաչ եկեղեցուց:
Այս հնամենի կոթողը հայտնի է նրանով, որ այստեղ է զետեղված Քրիստոսի խաչելության սուրբ խաչի մասունքը, որը Հայաստանի տարածքով 7-րդ դարում տեղափոխվել է Պարսկաստանից Բյուզանդիա, և որի փոքրիկ հատվածը նվիրաբերվել է հայ իշխաններին Հերակլիոս կայսեր կողմից:
Եկեղեցին դիմացել է երկրաշարժերի և նվաճողների բազմաթիվ ոտնձգությունների, բայց կանգուն է, իր կենդանի շնչով և ոգով: Իր խստաշունչ տեր հոր գլխավորությամբ այն շարունակում է ապրել, և այստեղ ձգել բազմաթիվ ուղտավորների: Վայելեք, և դուք էլ եկեք այստեղ՝ հաղորդակցվելու Սուրբ խաչին!