Չինական արևային սարքավորումների առաջարկը գերազանցել է պահանջարկը
Տնտեսություն![](banners/solaron_s.gif?v=4)
![Չինական արևային սարքավորումների առաջարկը գերազանցել է պահանջարկը](/timthumb.php?src=disc/10-07-24/13245a73b462b29972b9194c188b25a4.jpg&w=780)
Չինական Longi Green Energy Technology ընկերության վերլուծաբանները պնդում են, որ Չինաստանի արևային էներգետիկայի ոլորտը դժվար թե վերադառնա եկամտաբերության դաշտ առաջիկա տարիներին, քանի որ շուկան ևս երկու տարի պոֆիցիտային է լինելու։
Աշխարհի խոշորագույն արևային արդյունաբերությունը պայքարում է սարքավորումների գերարտադրության դեմ, քանի որ առաջարկը մի քանի անգամ գերազանցել է պահանջարկը։
Խոշոր ընկերությունները, այդ թվում՝ Longi-ն հաղորդել են առաջին եռամսյակում կորուստների մասին, իսկ արտադրանքը ստիպված են վաճառել ինքնարժեքից ցածր գներով։
Արևային մարտկոցների արտադրողը կարծում է, թե առկա ապրանքները դժվար եկամտաբեր լինեն տեսանելի ապագայում, իսկ նոր տեխնոլոգիաներն ավելի արագ են զարգանում։
Չինաստանը փորձում է արդեն արտադրված սարքավորումները՝ վահանակներն ու մարտկոցներն ավելի հարմար գներով վաճառել այլ երկրներում, հատկապես ԵՄ-ում, սակայն եվրոպական վերահսկիչ կառույցները սկսել են խոչընդոտներ հարուցել։ Հեռանկարային շուկան Աֆրիկան է, Մերձավոր Արևելքը, որտեղ էլ Չինաստանը նոր էքսպանսիայի է պատրաստվում։
Հայաստանն արևային վահանակներ արտադրող մեկ ընկերություն ունի՝ «Սոլարոնը»։
Արմինե Կարապետյան