Իսրայելը հարվածել է Գազայում փախստականների ճամբարին. կա ավելի քան 30 զոհ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Իսրայելի պաշտպանության բանակը հաղորդել է Գազայի հատվածում գտնվող «Նուսեյրաթ» պաղեստինյան փախստականների ճամբարում գտնվող դպրոցի վրա հարձակման մասին: Ըստ իսրայելական զինվորականների՝ դպրոցի շենքում տեղակայված է եղել արմատական ՀԱՄԱՍ շարժման համալիրը, հարձակման հետևանքով սպանվել է մի քանի ահաբեկիչ։

Լիբանանյան Al-Mayadeen հեռուստաալիքի փոխանցմամբ՝ Իսրայելի հարձակման հետևանքով զոհվել է 32 մարդ։ Հեռուստաալիքի տվյալներով՝ զոհերի նախնական թիվը կազմել է 27 մարդ։ Փլատակների մաքրումից հետո հայտնի է դարձել ևս հինգ մահվան մասին։

Հաղորդվում է նաև, որ տուժածներից շատերը ծանր վնասվածքներ են ստացել։ Al Jazeera-ի փոխանցմամբ՝ զոհվածների թվում կան կանայք և երեխաներ։Մայիսի 27-ի գիշերը Իսրայելի բանակը հայտարարեց Ռաֆահ քաղաքի վրա հարձակման մասին՝ «հիմնվելով հետախուզության ճշգրիտ տվյալների վրա»։ Հարվածի հետևանքով զոհվել են ՀԱՄԱՍ-ի ռազմական թևի երկու ներկայացուցիչներ՝ Յասին Ռաբիան և Խալեդ Նագարը:Ինչպես հայտնում է Al Jazeera-ն, Իսրայելի հարվածը մեծ հրդեհ է բռնկել փախստականների վրանային ճամբարում և այրել մի ամբողջ թաղամաս: Գազայի առողջապահության նախարարության տվյալներով՝ դա հանգեցրել է 35 մարդու մահվան։ Նրա խոսքով՝ մահացածների մեծ մասը կանայք ու երեխաներ են։ Իսրայելի վարչապետ Բենիամին Նեթանյահուն խոստացել է հետաքննել Առողջապահության նախարարության հայտարարությունը։