Մենք ուզում ենք եվրոպական ապագա՞, թե՞ ռուսական ստրկnւթյուն. Վրաստանի նախագահը ցանկանում է հանրաքվե անցկացնել
Միջազգային
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Վրաստանի նախագահ Սալոմե Զուրաբիշվիլին դիմել է ցուցարարներին այն բանից հետո, երբ խորհրդարանը հաղթահարել է, այսպես կոչված, «օտարերկրյա գործակալների մասին օրենքի» նկատմամբ նրա կիրառած վետոն:
Նա կոչ է արել իրեն աջակցող քաղաքացիներին նախապատրաստել հանրաքվե, որի շրջանակում մարդիկ կընտրեն «եվրոպական ապագան կամ ռուսական ստրկությունը»:
«Մենք պետք է իրական հանրաքվե պատրաստենք. այս էներգիան, որ այսօր ձեր մեջ է, պետք է ծախսել ստորագրություններ հավաքելու և ինձ մոտ բերելու վրա։ Ես կստորագրեմ հանրաքվեի մասին հրամանը. մենք ցանկանում ենք եվրոպական ապագա՞, թե՞ ռուսական ստրկություն»,- ասել է Զուրաբիշվիլին: Նրա խոսքը փոխանցում է ՏԱՍՍ-ը։
Ինչպես հիշեցնում է գործակալությունը, Վրաստանի նախագահն իրավասու է հանրաքվե հայտարարել, եթե դա պահանջեն կառավարությունը, խորհրդարանը կամ առնվազն 200 հազար քաղաքացի։
Մայիսի 28-ին Վրաստանի խորհրդարանը հաղթահարել է Սալոմե Զուրաբիշվիլիի կողմից «օտարերկրյա գործակալների մասին օրենքի» վրա դրված նախագահական վետոն։
«Օտարերկրյա ազդեցության թափանցիկության մասին» օրենքն ուժի մեջ կմտնի Օրենսդրական տեղեկագրի կայքում հրապարակվելու հաջորդ օրը։
