Եվրոպան ունի մեծ թվով արտաքին և ներքին թշնամիներ և կարող է մեռնել. Մակրոն
ՄիջազգայինՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Ֆրանսիայի նախագահ Էմանուել Մակրոնը կարծում է, որ Եվրոպան ունի մեծ թվով արտաքին և ներքին թշնամիներ և «կարող է մեռնել»։ Այս մասին գրում է ՏԱՍՍ-ը:
«Մենք երբեք այսքան արտաքին և ներքին թշնամիներ չենք ունեցել»,- ասել է Մակրոնը՝ ելույթ ունենալով Բեռլինում Գերմանիայի սահմանադրության 75-ամյակին նվիրված միջոցառմանը։
«Ինչպես նշել եմ մի քանի շաբաթ առաջ, Եվրոպան ապրում է մի պահ, որից կախված է նրա գոյությունը, ես իսկապես գտնում եմ, որ մեր Եվրոպան կարող է մեռնել», - ընդգծել է Ֆրանսիայի նախագահը:
Նրա խոսքով՝ «Եվրոպայի համար այս դժվար պահը» կապված է ուկրաինական հակամարտության հետ։
«Ես նաև կարծում եմ, որ մեր ժողովրդավարությունը մի տեսակ ճգնաժամի մեջ է, և մենք ինքներս ենք դա տեսնում», - ասել է Ֆրանսիայի նախագահը:
Նա կարծում է, որ այս ճգնաժամի պատճառն ազգայնականության աճն է։
Ապրիլի վերջին Սորբոնում իր ելույթի ժամանակ Ֆրանսիայի առաջնորդը ևս մեկ անգամ զգուշացրել էր, որ Եվրոպան «կարող է մեռնել»։ Միաժամանակ նա ասել է, որ ԵՄ-ն չպետք է լինի «ԱՄՆ-ի վասալը»։
Մակրոնը կիրակի սկսել է պետական այցը Գերմանիա, որը կտևի մինչև երեքշաբթի՝ մայիսի 28-ը։ Սա Ֆրանսիայի ղեկավարի առաջին պետական այցն է այս երկիր վերջին 24 տարվա ընթացքում։
