ԿԳՄՍՆ-ն ՈՒԵՖԱ-ի հուշանվերով է պարգևատրվել՝ ֆուտզալի ՉԼ-ի պատշաճ անցկացման համար
Սպորտ
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Երևանի Կարեն Դեմիրճյանի անվան մարզահամերգային համալիրում երեկ, ինչպես արդեն հայտնել էինք, կայացել է ՈՒԵՖԱ ֆուտզալի Չեմպիոնների լիգայի եզրափակիչ խաղը, որին հետևել են ՀՀ վարչապետի աշխատակազմի ղեկավար Արայիկ Հարությունյանը, ՀՀ ԿԳՄՍ նախարարի տեղակալ Կարեն Գիլոյանը, պաշտոնատար այլ անձինք, մարզասերներ:
Մրցաշարի պատշաճ անցկացմանն ու կազմակերպմանը ցուցաբերած աջակցության համար ՀՀ ԿԳՄՍ նախարարությունը Ֆուտբոլի միջազգային ֆեդերացիայի (ՈՒԵՖԱ) կողմից պարգևատրվել է հատուկ հուշանվերով, տեղեկանում ենք նախարարության ֆեյսբուքյան էջից:
Հիշեցնենք՝ իսպանական «Բարսելոնա» և «Պալմա» թիմերի միջև կայացած եզրափակիչն ավարտվել է «Պալմայի»՝ 5:1 հաշվով գերվստահ հաղթանակով, որը երկրորդ տարին անընդմեջ արժանացել է եվրոպական ամենահեղինակավոր մրցաշարի հաղթողի կոչմանը:
Մալյորկան ներկայացնող թիմի կազմում հանդես է գալիս նաև Հայաստանի ֆուտզալի ազգային հավաքականի դարպասապահ Լուան Մյուլերը, որը եզրափակիչ սուլիչից հետո չեմպիոնությունը տոնել է՝ հայկական եռագույնն ուսերին:
