2 արծաթե և 5 բրոնզե մեդալ՝ բռնցքամարտի Եվրոպայի առաջնությունից

Բռնցքամարտի Հայաստանի հավաքականը Եվրոպայի առաջնությունն ավարտել է 2 արծաթե ու 5 բրոնզե մեդալով։

92 կգ քաշային Նարեկ Մանասյանը վնասվածքի պատճառով եզրափակիչ մենամարտում ռինգ դուրս չեկավ և ոսկե մեդալը շնորհվեց ռուս բռնցքամարտիկին։

Արծաթե մեդալ նվաճեց նաև 48 կգ քաշային Բարեղամ Հարությունյանը։

57 կգ քաշային Արթուր Բազեյանը, 60 կգ քաշային Արթուր Սահակյանը, 67 կգ քաշային Արարատ Հարությունյանը, 50 կգ քաշային Անուշ Գրիգորյանն ու 70 կգ քաշային Անի Հովսեփյանը նվաճեցին բրոնզե մեդալ։

Հայաստանի տղամարդկանց ընտրանին 35 երկրների մեջ թիմային պայքարում 4-րդն էր, իսկ կանանց հավաքականը զբաղեցրեց 5-րդ տեղը։