Ճապոնիան հայտարարել է աշխարհին սպառնացող նոր վտանգների մասին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Մերձավոր Արևելքում և Եվրոպայում հակամարտությունները նոր սպառնալիքներ են ստեղծում միջազգային հանրության համար, ինչպիսիք են կիբերհարձակումները և ապատեղեկատվության տարածումը, ինչպես նաև խոչընդոտում են միջազգային խնդիրների լուծմանը։ Այս գնահատականն է պարունակվում Ճապոնիայի արտաքին գործերի նախարարության դիվանագիտության վերաբերյալ հրապարակված «Կապույտ գիրք» ամենամյա զեկույցում, հաղորդում են միջազգային ԶԼՄ-ները։

«Գլոբալ կայունության համար պատմականորեն կարևոր երեք տարածաշրջաններից երկուսը` Եվրոպան, Մերձավոր Արևելքը և Արևելյան Ասիան, գտնվում են պատերազմի մեջ: Սա նոր սպառնալիքներ է բացում, ինչպիսիք են կիբեր հարձակումները և ապատեղեկատվության տարածումը, և խոչընդոտում է միջազգային համագործակցությանը գլոբալ խնդիրների լուծման համար: Կայունությունը հնդխաղաղօվկիանոսյան տարածաշրջանում, ներառյալ Արևելյան Ասիան, ավելի կարևոր է, քան երբևէ»,- ասվում է փաստաթղթում։

Բացի այդ, զեկույցում առկա հակամարտությունները բնորոշվում են՝ որպես «խնդիրներ, որոնք ազդում են աշխարհի բոլոր տարածաշրջանների, այդ թվում՝ Ճապոնիայի կայունության և բարգավաճման վրա»:

Այս առումով, Ճապոնիայի արտաքին գործերի նախարարությունը կարևորում է Յոթնյակի և Քառակողմ անվտանգության երկխոսության (բաղկացած Ավստրալիայից, Հնդկաստանից, ԱՄՆ-ից և Ճապոնիայից) գործընկեր պետությունների հետ հարաբերությունների զարգացումը։