Բացառիկ լուսանկարներ. ՊՆ «Ուրալն» ամողջությամբ ջախջախված է. 4 զինվորի կյանքը խլած ողբերգական դեպքի հետքերով

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Armlur.am-ի ձեռքում է հայտնվել ՊՆ «Ուրալ»-ի վթարի լուսանկարները, որը 4 զինվորի կյանք խլեց։ 20 զինվոր տարբեր մարմնական վնասվածքներով հիվանդանոցում են։

Գրել էինք, որ ArmLur.am-ին հասած բացառիկ տեղեկությունների համաձայն՝ Սյունիքի մարզում «Ուրալ»-ի վթարի հետեւանքով մահացած 4 անձինք ժամկետային զինծառայողներ են։

Հարգելի պատճառներով Armlur.am-ը առայժմ չի հրապարակում, թե ովքեր են մահացածները՝ չվնասելով եւ հարգելով զոհվածների հարազատներին։

Քիչ առաջ Քնչական կոմիտեն հայտնեց, որ այսօր ՀՀ ՊՆ N զորամասի զինծառայողներին տեղափոխող «Ուրալ» մակնիշի ավտոմեքենայի վթարման, դրա հետևանքով 4 զինծառայողների մահվան և մի շարք զինծառայողների տարբեր աստիճանների վնասվածքներ ստանալու դեպքի առթիվ ՀՀ քննչական կոմիտեի զինվորական քննչական գլխավոր վարչության 9-րդ կայազորային քննչական բաժնում ՀՀ քրեական օրենսգրքի 538-րդ հոդվածի 4-րդ մասի (Մարտական, հատուկ կամ տրանսպորտային մեքենա վարելու կամ շահագործելու կանոն խախտելը, որն անզգուշությամբ առաջացրել է երկու կամ ավելի անձանց մահ) հատկանիշներով նախաձեռնվել է քրեական վարույթ։ Այս մասին հայտնում են Քննչական կոմիտեից:

«Ձևավորվել է քննչական խումբ և իրականացվում է նախաքննություն ողբերգական ելքով դեպքի ամբողջական հանգամանքները, վթարի պատճառները պարզելու նպատակով։ Այս պահին քննիչներն իրականացնում են առաջնային քննչական և վարութային գործողություններ, այդ թվում կատարում են դեպքի վայրի և վթարված ավտոմեքենայի զննություն։ ՀՀ քննչական կոմիտեն քննության արդյունքների վերաբերյալ հընթացս հանդես կգա հաղորդագրություններով։ Հորդորում ենք զերծ մնալ չճշտված տեղեկություններ հրապարակելուց»,- ասված է ՔԿ հայտարարության մեջ։

Քնար Մանուկյան

Առավել մանրամասն` այստեղ.

 https://t.me/arm24live