Հրաչյա Հովհաննիսյանը նահատակվեց որպես Հայոց Հայրենիքի պաշտպան, որպես Ազգային Հերոս. Խաչիկ Ասրյան

Սույն թվականի փետրվարի 13-ին Ադրբեջանի ԶՈւ ստորաբաժանումները հրաձգային զենքերից կրակ էին բացել Սյունիքի մարզի Ներքին Հանդի հատվածում տեղակայված հայկական դիրքերի ուղղությամբ, որի արդյունքում հայկական կողմը ունեցել է զոհեր։

Զոհերի թվում է «Հայոց Արծիվներ» կամավորական մարտական ջոկատի անդամ, 2016 թվականի Ապրիլյան (Արցախ, Ջաբրայիլ) և 2020 թվականի 44-օրյա (Արցախ, Մարտունի 2) պատերազմների ժամանակ «Հայոց Արծիվներ» կամավորական մարտական ջոկատի կազմում ընդգրկված, երեք պատերազմների ակտիվ մասնակից Հրաչյա Թալիշի Հովհաննիսյանը (ծնված 1957 թվականին)։

Անձամբ իմ և «Հայոց Արծիվների» անունից՝ խոր վշտով ցավակցում ենք մեր մարտական Եղբայր, մեծ հայրենասեր Հրաչյա Հովհաննիսյանի ընտանիքին, հարազատներին, մարտական ընկերներին:

Հրաչյա Հովհաննիսյանը նահատակվեց որպես Հայոց Հայրենիքի պաշտպան, որպես Ազգային Հերոս։

Թող Հրաչյա Հովհաննիսյանի հոգին լուսավորվի ԱՍՏԾՈ արքայության մեջ:

Հավերժ փա՛ռք Քեզ, իմ մարտակա՛ն Եղբայր Հրաչյա Հովհաննիսյան:

Մեր ցավակցությունն ենք հայտնում նաև Ներքին Հանդում նույն օրը զոհված տղաների հարազատներին և ընկերներին:

«Հայոց Արծիվներ» կամավորական մարտական ջոկատի Հրամանատար,

Արցախյան, Ապրիլյան և 44-օրյա պատերազմների մասնակից,

«Մարտական Խաչ» 1-ին աստիճանի շքանշանակիր,

Գնդապետ Խաչիկ Ասրյան։