Հայտնի է, թե ով է հրկիզել Արիաննա Հովսեփյանի ավտոմեքենան
Հասարակություն
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Մարտին Ամիրղանյանը ֆեյսբուքյան գրառմամբ տեղեկացրել է, որ ինքն է հրկիզել NewsPress.am կայքի տնօրեն Արիաննա Հովսեփյանի Range Rover Sport մակնիշի ավտոմեքենան։
«Հարգելի ընկերներ, բարեկամներ,
Ուզում եմ բոլորիդ ասեմ, որ Արիանայի մեքենայի վնաս տվողը ես եմ։ Ես ունեմ իմ անձնական պատճառը, որը որ դեռ հանրային խոսելը նպատակահարմար չեմ գտնում։
Մնացած բացատրություները կտամ ոստիկանությունում, որովհետև ես չեմ սիրում փախեփախ անել, դա իմը չի ու ես ինքս գնում եմ ինքնակամ ներկայանալու։ Հարգանքներս բոլորիդ»,-գրել է նա։
Ավելի վաղ հայտնել էինք, որ այսօր՝ հունվարի 25-ի գիշերը Ղազար Փարպեցու փողոցում Զորավար եկեղեցու մոտ հրդեհ է բռնկվել կայանված Range Rover Sport մակնիշի ավտոմեքենայում։ Կան կասկածներ որ ավտոմեքենան որը պատկանում է հասարակական գործիչ, NewsPress.am կայքի հիմնադիր տնօրեն Արիաննա Հովսեփյանին միտումնավոր հրկիզել են։
