Ըստ ՖԻՖԱ-ի՝ Մեսսին ճանաչվել է 2023 թվականի լավագույն ֆուտբոլիստ
ՍպորտՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Արգենտինացի հարձակվող Լիոնել Մեսսին Ֆուտբոլի միջազգային ֆեդերացիայի (ՖԻՖԱ) կողմից ճանաչվել է 2023 թվականի լավագույն ֆուտբոլիստ։ Մրցանակաբաշխությունը տեղի է ունեցել Լոնդոնում։
Մրցանակին հավակնում էին նաև նորվեգացի հարձակվող Էրլինգ Հալանդը, ով հանդես է գալիս անգլիական «Մանչեսթեր Սիթիում», և ֆրանսիական ՊՍԺ-ի հարձակվող Կիլիան Մբապեն։
Հարցման արդյունքների համաձայն՝ Մեսսին և Հոլանդը հավաքել են 48-ական միավոր, սակայն արգենտինացին հաղթել է անվանակարգում՝ ազգային հավաքականի ավագների քվեարկության արդյունքում ավելի շատ ձայների շնորհիվ։ Մեսսին չի ներկայացել մրցանակաբաշխությանը և չի միացել տեսահոլովակով։ Խաղացողները մրցանակը ստացել են 2022 թվականի դեկտեմբերի 19-ից մինչև 2023 թվականի օգոստոսի 20-ը խաղաժամանակի համար։
2022 թվականի դեկտեմբերին Մեսսին Քաթարում դարձել է աշխարհի չեմպիոն Արգենտինայի հավաքականի կազմում։ Հարձակվողը յոթ խաղում խփել է յոթ գոլ և ճանաչվել մրցաշարի լավագույն խաղացող։
Նախորդ մրցաշրջանը հարձակվողն անցկացրել է ՊՍԺ-ում, որտեղ դարձել է Ֆրանսիայի չեմպիոն և մրցաշարի լավագույն օգնական (16 փոխանցում): 2023 թվականի ամռանը Մեսսին տեղափոխվեց «Ինտեր Մայամի», ամերիկյան ակումբի հետ նա նվաճեց Լիգայի գավաթը, որին մասնակցում էին ֆուտբոլի գլխավոր լիգայի (MLS) և Մեքսիկայի առաջնության թիմերը։
Արգենտինացու համար այս գավաթը դարձավ 44-րդը կարիերայում, ինչը թույլ տվեց գլխավորել պատմության ամենատիտղոսակիր ֆուտբոլիստների ցուցակը։ Հոկտեմբերին Մեսսին ռեկորդային ութերորդ անգամ նվաճեց «Ոսկե գնդակը»՝ France Football ամսագրի վարկածով մրցաշրջանի լավագույն ֆուտբոլիստի մրցանակը։
