ԱՄՆ-ն շարունակում է համագործակցել Ադրբեջանի հետ՝ կոչ անելով ձգտել Հայաստանի հետ կայուն խաղաղության. Պետդեպ
Քաղաքականություն
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
ԱՄՆ-ն երբեք չի ասել, որ չի պատրաստվում շարունակել Ադրբեջանի հետ համագործակցությունը. դա կհակասեր Միացյալ Նահանգների շահերին: Այս մասին ճեպազրույցում հայտարարել է ԱՄՆ Պետքարտուղարության խոսնակ Մեթյու Միլլերը՝ մեկնաբանելով ԱՄՆ պետքարտուղարի՝ Եվրոպայի և Եվրասիայի հարցերով օգնական Ջեյմս Օ'Բրայենի այցը Բաքու:
«Կարծում ենք՝ Ադրբեջանի հետ մեր դիվանագիտական բոլոր հարաբերությունների ուղղակի դադարեցումը հակասում է տարածաշրջանում խաղաղության և անվտանգության շահերին: Մենք շարունակում ենք անմիջականորեն համագործակցել ինչպես Ադրբեջանի, այնպես էլ Հայաստանի հետ, որպեսզի հստակեցնենք, օրինակ, Ադրբեջանի դեպքում, թե որտեղ ունենք մտահոգություններ... Եվ մենք նաև շարունակում ենք համագործակցել նրանց հետ՝ կոչ անելով նրանց ձգտել Հայաստանի հետ կայուն խաղաղության, և դա մի բան է, որը կշարունակի մնալ մեր դիվանագիտական ներգրավվածության առանցքը», - ասել է Միլլերը։
