ՔՊ-ն տակից ուղերձներ է հղել, թե մենք էլ ենք Արցախի համար տառապում, բայց «Հայաքվե»-ին չենք միանա
Քաղաքականություն
Մենուա Սողոմոնյանն իր ֆեյսբուքյան էջում գրում է.
Մեջբերում ՀՀ կառավարության 2021-2026թթ․ ծրագրի «Ղարաբաղյան հիմնախնդիր» բաժնից, էջ 15․ «Առաջիկա տարիներին կառավարության գլխավոր խնդիրը պետք է լինեն Լեռնային Ղարաբաղի ժողովրդի անվտանգության ապահովումն ու Լեռնային Ղարաբաղի հիմնախնդրի խաղաղ և համապարփակ կարգավորումը։ Ղարաբաղյան հիմնախնդրի վերջնական կարգավորումը Կառավարությունը տեսնում է ԵԱՀԿ Մինսկի խմբի համանախագահության ներքո Լեռնային Ղարաբաղի վերջնական կարգավիճակի հստակեցմամբ՝ հայտնի սկզբունքների և տարրերի, այդ թվում՝ ինքնորոշման իրավունքի հիման վրա»։
Կառավարությունը, Արցախը ճանաչելով Ադրբեջանի մաս և չերաշխավորելով նրա անվտանգությունը հատկապես 2023թ․ սեպտեմբերի 19-20-ին, հրաժարվել է իր իսկ հայտարարած ԳԼԽԱՎՈՐ ԽՆԴԻՐԸ լուծելուց։
Իշխող քաղաքական ուժը Արցախի հարցն օգտագործել է ընդամենը 2021-ին իշխանությունը վերարտադրելու համար և այնուհետև այդ հարցը, որպես այլևս անպետք իր, շպրտել է։ Այս ամենի համար պատասխանատու են առաջին հերթին կառավարության ծրագիրը հաստատած ԱԺ քպ-ական պատգամավորները․ նրանցից յուրաքանչյուրն անհատապես է պատասխանատու։
