Ոգելից խմիչքի ազդեցության տակ կրակոցներ էր արձակել
Իրավունք
Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Հոկտեմբերի 21-ին ոստիկանության Նուբարաշենի բաժանմունքում տեղեկություններ էին ստացվել, որ ժամը 02.00-ին Նուբարաշենի 9-րդ փողոցի շենքերից մեկի բակում անհայտ անձը, խախտելով հասարակական կարգը և անհարգալից վերաբերմունք դրսևորելով հասարակության նկատմամբ, ոգելից խմիչքի ազդեցության տակ կրակոցներ է արձակել: Այս մասին հայտնում են ՆԳՆ ոստիկանական ծառայությունից։
Նուբարաշենի բաժանմունքի ոստիկանների ձեռնարկած օպերատիվ-հետախուզական միջոցառումների շնորհիվ պարզվել է կրակոցներ արձակած անձի ինքնությունը: Բացատրական աշխատանքի արդյունքում 41-ամյա տղամարդը ներկայացել է Նուբարաշենի բաժանմունք: Նա ներկայացրել է իր անվամբ հաշվառված որսորդական հրացանը և հայտնել, որ նշված հրացանից է կրակոցներ արձակել:
41-ամյա տղամարդը և կազմված փաստաթղթերը ներկայացվել են քննչական բաժին։
Նախաձեռնվել է քրեական վարույթ:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
