Մեր ուսանողների, երիտասարդների հետ հերթական կարևոր ու բովանդակային հանդիպումներից մեկն անցավ ջերմ ու անմիջական մթնոլորտում. Մանե Թանդիլյան
Քաղաքականություն
«Ապրելու երկիր» կուսակցության նախագահ Մանե Թանդիլյանը ֆեյսբուքյան իր էջում տեսանյութ է հրապարակել և կից գրել․
Նրանք մեր կարող ուժն են, մեր լավագույն ներկան, ու լավագույն ապագան։ Նրանք փոփոխության կրող են ու փոփոխություններ թելադրողը։
Իսկ այն մարդիկ, որոնք կարծում են, որ երիտասարդների վրա հույս դնել չի կարելի, պարզապես չեն էլ փորձել խոսել, շփվել, ուղղակի լսել այս պայծառ ու վառ անհատականություններին։ Բայց ես վստահ եմ՝ հետայսու նաև վերահաստատվեց իմ այն համոզմունքը, որ երիտասարդների հետ խոսելու շատ բան կա, նրանցից լսելու՝ առավել ևս։
Մեր ուսանողների, երիտասարդների հետ հերթական կարևոր ու բովանդակային հանդիպումներից մեկն անցավ ջերմ ու անմիջական մթնոլորտում, քննարկեցինք առաջնորդության, քաղաքականության մեջ ակտիվ ներգրավվելու, որոշումների կայացման գործում մասնակցություն ունենալու և սեփական ճակատագիրը սեփական ձեռքերում վերցնելու կարևորությունը։
Շնորհակալ եմ այն ոգեշնչման համար, որը փոխանցեցիք, սիրելի՛ երիտասարդներ։ Լիահույս եմ, որ ապագայում անպայման տեսնելու եմ ձեզնից շատերին՝ որպես կոլեգաներ, ինչու ոչ՝ նաև որպես գաղափարակիցներ։
