Երևանի Մարզահամերգային համալիրում կկայանա «Leasing EXPO 2023- բոլոր սարքավորումները մեկ հարթակում» ցուցահանդեսը
Հասարակություն
Բոլոր սարքավորումները մեկ հարթակում
2023 թվականի հունիսի 2-ին, 3-ին և 4-ին Երևանի Մարզահամերգային համալիրում կկայանա ՀՀ-ում առաջին անգամ կազմակերպվող «Leasing EXPO 2023- բոլոր սարքավորումները մեկ հարթակում» ցուցահանդեսը: Աննախադեպ ցուցահանդեսը մեկ հարկի տակ կհավաքի խոշոր կազմակերպությունների, որոնք առաջարկում են տարատեսակ սարքավորումներ:Ցուցահանդեսը կտա հնարավորություն ծանոթանալ տեղական և միջազգային շուկայի տեխնիկական ու տեխնոլոգիական նորարարություններին և առաջարկներին, ձեռք բերել վերջին սերնդի նորագույն սարքավորումներ՝ հատուկ առաջարկներով, շահավետ համագործակցության հնարավորությամբ:
Մարզահամերգային համալիրում ներկայացված են լինելու՝ գյուղատնտեսական սարքավորումներ, արևային պանելներ, տրանսպորտային միջոցներ և էլեկտրոմոբիլներ, շինարարական տեխնիկա, արդյունաբերական սարքավորումներ , աևտադրական սարքավորումներ, առողջապահական սարքավորումներ, HoReCa մատակարարներ, օդափոխության համակարգեր , սառնարանային տնտեսություն, ջերմոցային տնտեսություն, ֆինանսական կառույցներ:Ցուցահանդեսը նաև հետաքրքիր կլինի ներդրողներին, տնտեսվարողներին, գործարարներին: Մասնակիցները ներկայացնելու են իրենց հատուկ առաջարկները, ոլորտի նորարարություններն ու ներուժը:
Սպասվում են նաև հանդիպուﬓեր, սեﬕնարներ:Մուտքն ազատ է լինելու ։
Լիլիթ Պետրոսյան
