Շնորհակալություն Կոտայքի մարզպետ Ահարոն Սահակյանին աջակցության համար․ Վլադիմիր Վարդևանյան

Նախընտրական քարոզարշավի շրջանակներում հանդիպել ենք Կոտայքի մարզպետ Ահարոն Սահակյան / Aharon Sahakyan-ին, որի ընթացքում քննարկել ենք Բյուրեղավանի, Ջրաբերի և Նուռնուսի հիմնախնդիրները, դրանց լուծման ուղիները։ Որպես քաղաքական թիմի անդամ մարզպետը բարձր գնահատեց նախընտրական քարոզարշավի այս ընթացքը և իր պատրաստակամությունը հայտնեց թիմի հաղթանակի դեպքում համատեղել մարզային և տեղական իշխանության ջանքերը Բյուրեղավան խոշորացված համայնքում խնդիրներին արմատական և վերջնական լուծում տալու համար։

 

«Ուրախ եմ, որ Բյուրեղավան համայնքում թիմը ղեկավարում է Վլադիմիր Վարդևանյանը, ով ունի անցած ճանապարհ, կառավարչական հմտություններ և իր համայնքը փոխելու, ավելի լավը դարձնելու պատվախնդրություն։

Ես իմ աջակցությունն եմ հայտնում թիմին և պատրաստակամ եմ նպաստելու, թե՛ մեր ընդհանուր հաղթանակին, և թե՛ այդ հաղթանակից հետո համայնքի

հիմնախնդիրների լուծմանը», - իր խոսքում նշեց մարզպետը։

 

Շնորհակալություն հայտնեցի մարզպետ Ա.Սահակյանին ջերմ ընդունելության համար և ընդգծեցի իմ վճռականությունը համայնքում իրական փոփոխություն բերելու հարցում։