Ծանոթ ու միարժամանակ անհայտ…ձեռքի խոտհնձիչ
Հասարակություն
Այժմ, շատ հաճախ, հանգստյան օրերին մարդիկ արթնանում են հարևանի տրիմմերի՝ ձեռքի խոտհնձչի ձայնից, որը նախատեսված է խոտ հնձելու համար: Իսկ արդյո՞ք այդ հիանալի սարքը վաղուց է ստեղծվել: Պարզվում է ոչ: Այն հորինել է Ջորջ Բոլլասը 1971 թվականին:Ջորջ Բոլլասը ամերիկացի ձեռներեց և շոումեն էր: Նախկին զինվորը, որը մասնակցել էր Երկրորդ համաշխարհային պատերազմին և Կորեայի պատերազմին ամուսնացել էր տանգոյի պարուհու հետ: Բոլլասը ղեկավարել է բազմաթիվ պարային խմբեր, հիանալի ձեռնարկատեր էր և ուներ մի քանի սրճարաններ, խաղային ավտոմատների սրահներ և հարյուրից ավելի պրոֆեսիոնալ պարողներ: Նրա ամբողջ կայսրությունը կոչվում էր Dance Citi USA Studio:
Բոլլասը սիրահար այգեպան չէր, տան հետևի ամբողջ տարածքը լցված էր խոտով, որը պետք էր խնամել: Հիմնական խնդիրը ծառերի մեջ էր, քանի որ նրանց տակ եղած խոտը դժվար էր կտրել պարտեզի մկրատով: Վտանգավոր օձեր նույնպես կարող էին թաքնվել դրանց մեջ:Տրիմմերի գաղափարը նրա մոտ առաջացել է ավտոլվացման կետ այցելելիս: Բոլլասին հետաքրքրել է խոզանակի առաձգական նեյլոնե թելերը, որոնցով մաքրում էին մեքենայի կեղտը: Ավտոմեքենան լվանալուց հետո Ջորջը գնացել է տուն և մի քանի նեյլոնե թելեր անց կացրել թիթեղյա տուփի մեջ, այնուհետև տուփը հարմարեցրել էլեկտրոշարժիչին և փորձարկել ստեղծած սարքը խոտերի վրա: Արդյունքը գերազանցել է բոլոր սպասելիքները: Այդ պահից էլ սկսվել է ժամանակակից տրիմմերների պատմությունը:
Weed Eater Inc.- ի ապրանքային նշանը (բառացիորեն անգլերենից թարգմանած «մոլախոտ ուտող»), որը գրանցվել է այդ գյուտարարի կողմից 1971 թվականին, սկզբում շատ լավ շահույթ է բերել: Շուկան պատրաստ էր այդպիսի գյուտերի, և մարդիկ ուրախ էին իրենց փողերը տալ նորույթի համար: Բայց, չնայած գրանցված արտոնագրերին, ժամանակի ընթացքում ավելի ու ավելի շատ այդպիսի «գյուտեր» են մուտք գործել շուկա, և մրցակցությունն աճել է: Ջորջը ընդունել է Emerson Electric ընկերության առաջարկը և ներկայումս չբացահայտված գումարով վաճառել է իր բիզնեսը: Ներկայումս «մոլախոտ ուտող» Weed Eater- ը գնվել է հայտնի Husqvarna Group ընկերության կողմից և շարունակում է ուրախացնել սպառողին նոր փոփոխություններով:
Ժամանակակից տրմմերները բաղկացած են ձողից, որի մի ծայրում կա էլեկտրական կամ բենզինային շարժիչ, իսկ մյուս ծայրին աշխատանքային գլխիկն է: Բացի շարժիչից (էլեկտրական կամ բենզին), տրիմմերները տարբերվում են աշխատանքային գլխիկի տեսակով, որի վրա կարող է լինել ձկնորսական նեյլոնե թել կամ դանակ: Ձկնորսական թելը կարող է լինել կարճ կոշտ կամ երկար, որը ոչ աշխատանքային վիճակում կարող է «թաքնվել» աշխատանքային գլխիկի ներսում, այս դեպքում նեյլոնե թելը դուրս է գալիս տրիմմերի աշխատանքի ընթացքում: Աշխատանքային գլխիկի վրա կարող են լինել նաև պողպատե շեղբեր կոշտ խոտ հնձելու համար, կամ էլ պլաստմասե դանակներ մարգագետնային խոտը հնձելու համար:
