Արևային մարտկոցների արդյունավետության ռեկորդ է սահմանվել

Wp-seven.ru-ն գրում է, որ ԱՄՆ-ի Էներգետիկայի նախարարության Վերականգնվող էներգիայի ազգային լաբորատորիայի (NREL) հետազոտողների թիմը սովորական լուսավորության մեջ ռեկորդային արդյունավետությամբ արևային մարտկոց է մշակել: Այն ստեղծվել է այն ճարտարապետության վրա, որը հայտնի է որպես շրջված մետամորֆիկ բազմահանգույց (IMM) տարրեր:

Նոր արևային մարտկոցի բջիջը բաղկացած է երեք բաղադրիչներից, որոնք առաջացնում են էլեկտրական հոսանք` ի պատասխան իրենց մատակարարվող լույսի։ Այս շերտերից յուրաքանչյուրը կառուցված է տարբեր նյութերից՝ վերևում գալիում-ինդիումի ֆոսֆիդ, կենտրոնում՝ գալիումի արսենիդ և ներքևում՝ գալիում-ինդիումի արսենիդ։

Քանի որ այս նյութերը մասնագիտանում են լույսի տարբեր ալիքների երկարության մեջ, դա թույլ է տալիս համակարգին ավելի շատ էներգիա վերցնել լույսի ամբողջ սպեկտրից: Բացի այդ, հետազոտողները միջին շերտում օգտագործել են «քվանտային հորեր», ինչը նրանց թույլ է տվել հասնել 39,5% արդյունավետության նոր ռեկորդի: Հարկ է նշել, որ կան վահանակներ, որտեղ այդ արժեքը կազմում է 47,1%, բայց այնտեղ այն ձեռք է բերվում բարձր կենտրոնացված լույսով:

«Նոր բջիջն ավելի արդյունավետ և պարզ է ու կարող է օգտակար լինել սահմանափակ տեղադրման տարածքում կամ ցածր ճառագայթման մակարդակով տիեզերական միջավայրում», - ասել է գլխավոր հետազոտող և ավագ գիտնական Մայլս Շտայները:

Ըստ New Atlas-ի զեկույցի՝ այդ արևային մարտկոցի միջին շերտը պարունակում է մինչև 300 քվանտային հորեր և մեծապես բարձրացնում է ընդհանուր արդյունավետությունը: Բայց պետք է նաև նշել, որ այս տեսակի տարրերի արտադրությունը բավականին թանկ արժե, ինչն արդեն իսկ խնդիր է վերականգնվող էներգետիկայի ոլորտի համար։ Նախքան նոր վահանակի լայնորեն ընդունվելը, հետազոտողները պետք է կրճատեն ծախսերը և գտնեն նոր պոտենցիալ էժան նյութեր:

Հայաստանում արևային պանելներ արտադրող առաջին և միակ ընկերությունը Սոլարոնն է։
Տեղադրե՛ք SolarOn արևային կայան և զրոյացրեք էլեկտրաէներգիայի ծախսը:
Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորության և արժեքի վերաբերյալ։
Զանգահարեք`  87-57, (010) 44-00-55
էլ. փոստ`  Info@solaron.am