Ասողին լսող է պետք. Ծառուկյանը ժամանակին զգուշացնում էր. «Փաստ»
Մամուլ
«Փաստ» օրաթերթը գրում է
Պարզապես սկանդալային կարելի է համարել օրերս տարածված տեղեկությունը, որ որոշակի կատեգորիաների համար պետպատվերով տրամադրվող բուժօգնությունը դադարեցվում է մինչև եկող տարվա սկիզբ, ինչը հաստատեց նաև առողջապահության նախարարն իր բրիֆինգներից մեկում: Մասնագետները փաստացի սա գնահատում են որպես առողջապահական համակարգի կոլապսի մասին հերթական վկայություն, ինչի մասին, ի դեպ, դեռևս արտահերթ խորհրդարանական ընտրություններից առաջ նախազգուշացնում էր ԲՀԿ ղեկավար Գագիկ Ծառուկյանը:
Ավելին, մասնավորաբար Գավառում նա նշել էր. «Տեսնում եմ` պետպատվերը չի արդարացնում, լիարժեք արդյունավետ չի, թող փոխեն սերտիֆիկատի տեսքով, որ մարդիկ արժանապատիվ գնան հիվանդանոց, գլուխը չկախեն, չամաչեն»: Այս առաջարկը թույլ կտար խուսափել պետպատվերի համակարգում կանխատեսվող խնդիրներից, ինչի առջև կանգնած ենք այժմ:
Փաստացի, Ծառուկյանը, ամիսներ առաջ կանխատեսելով այս ոլորտում ծնվող նոր խնդիրը, հստակ բարձրաձայնել էր դրա մասին, ինչը, սակայն, անուշադրության մատնվեց, և այսօր խնդիրն արդեն առկա է: Ի դեպ, առողջապահության համակարգում պետպատվերի տրամադրման ոչ արդյունավետ համակարգի մասին ԲՀԿ ղեկավարը մեկ անգամ չէ, որ բարձրաձայնել է, բայց, ինչպես հենց ինքն է սիրում ասել, ասողին լսող է պետք:
Մանրամասները՝ «Փաստ» օրաթերթի այսօրվա համարում
