«Բելառուսը կկարողանա հարյուր միլիոնավոր դոլարներ ստանալ իր պատվաստանյութի արտահանումից». Լուկաշենկո
Տնտեսություն
Կորոնավիրուսի դեմ բելառուսական պատվաստանյութի (դրա արտադրման վրա ներկայում աշխատում են երկրում) արտահանման ներուժը կարող է կազմել հարյուր միլիոնավոր դոլարներ: Այդ մասին հինգշաբթի հայտարարել է Բելառուսի նախագահ Ալեքսանդր Լուկաշենկոն, գրում է ՏԱՍՍ-ը:
«Այս ապրանքի պահանջարկ կլինի, և դա շատ կարևոր կլինի: Մենք քնած չենք լինի, ինչը նշանակում է, որ արագորեն կստանանք հարյուր միլիոնավոր դոլարների արտահանման պոտենցիալ ունեցող արտադրանք», - նշել է Լուկաշենկոն:
Երկրի նախագահը հավելել է, որ «վարակը, ցավոք, մոտակա տարիներին ոչ մի տեղ չի գնա»:
