«Ազատությունն ավելի կարևոր է, քան ցանկացած գումար». ռուսաստանցի միլիարդատերը համաձայնել է նախկին կնոջը վճարել ավելի քան 200 միլիոն դոլար

Միլիարդատեր Ֆարհադ Աhմեդովը համաձայնել է նախկին կնոջը՝  Տատյանա Ահմեդովային, վճարել մոտ 150 միլիոն ֆունտ ստեռլինգ (207 միլիոն դոլար)՝ Մեծ Բրիտանիայի պատմության մեջ ամենաթանկ ամուսնալուծությունը կարգավորելու համար: Այս մասին ասված է Ահմեդովի փաստաբանների հայտարարությունում, որը գտնվում է Forbes-ի տրամադրության տակ:

«Այժմ Ահմեդովների ունեցվածքի բաժանման շուրջ ծագած վեճում բոլոր հարցերը կարգավորված են», - գործարարն իր ներկայացուցչի միջոցով ասել է Forbes-ին: Նա շեշտել է, որ իր նախկին կինը չպետք է դիմեր դատարան, առավել ևս` աշխատեր իր իրավաբանական վարձավճարները վճարող ընկերության` Burford Capital-ի «ագահ գործարարների» հետ:

«Տատյանային տիրում էր ագահությունն ու հիմարությունը... Նրա հեղինակությունը վարկաբեկված է, նա կռվել է որդիների հետ, այրել ինձ հետ բոլոր կամուրջները: Ահա արդյունքը: Ագահությունը ծնում է աղքատություն: Իսկ ես հիմա լիովին ազատ եմ, և սա ավելի կարևոր է, քան ցանկացած գումար», - ասել է Ահմեդովը:

Նա հավելել է, որ ինքն ունի «երեք փոքրիկ երեխա, հանուն որոնց արժե ապրել, ստեղծագործել, աշխատել, վաստակել, իսկ նա (Տատյանան) մնացել է կոտրած տաշտակի առաջ»,-ասել է միլիարդատերը:

Գարնանը Forbes-ն Ահմեդովի կարողությունը գնահատել է 1,4 միլիարդ դոլար: