ԱՐԹՆԱՑԻ՛Ր ՀԱՅԱՍՏԱՆ. Արայիկ Պարոնյան

 

Միայն մենք ենք, որ արև ենք երգում, բայց քնամոլ ենք, հիանում ենք մեր հերոսություններով, բայց հերոսներին գնահատում միայն մեռնելուց հետո, խաղաղասեր ենք, բայց չենք պատրաստվում պատերազմի, ատում ենք դավաճանությունը, բայց հանդուրժում դավաճաններին,մեր հետին խելքով հիացնում ենք ուրիշներին, բայց ընդունակ չենք օգտվելու մեր այդ խելքից, գոռոզանում ենք մեր առաքինություններով՝ չդարձնելով այն կյանքի բարոյական կանոն, հպարտանում ենք մեր արիական պատմությամբ՝ առանց սրբագրելու մեր պատմական սխալները, գովերգում ենք հայրենասիրությունը, բայց պատրաստ չենք զոհվել հանուն հայրենիքի, ավանդապաշտ ենք, բայց կուրորեն ընդունում ենք ամեն մի արատավոր նորը, պաշտում ենք մեր հայրենիքն՝ այն կորցնելուց հետո միայն, համոզված ենք, որ մեր փրկությունը մեր միասնության մեջ է, բայց առիթը բաց չենք թողնում՝ միմյանց բզկտելու և այդպես, չվերլուծելով մեր առաքինություններն ու մոլությունները, չսրբագրելով մեր հոգեբանական թերիները և չմշակելով դրական կողմերը, դարձանք անուժ և անսկզբունք մի հոտ, խաբվեցինք քաղաքական բոլոր առևտուրներում և հերոսական մեր պայքարի պատմությունը փակեցինք պարտությամբ:

 

«Հայոց Արծիվներ. Միասնական Հայաստան» կուսակցության փոխնախագահ` Արայիկ Պարոնյան։