Այվազյանը բացահայտեց Փաշինյանի «ինքնավստահության» պատճառը. Սուրեն Սուրենյանց
Քաղաքականություն
«Դեմոկրատական այլընտրանք» կուսակցության Քաղաքական խորհրդի նախագահ Սուրեն Սուրենյանցը ֆեյսբուքյան իր էջում գրում է.
Արա Այվազյանը բաց տեքստով հայտարարում է, որ Նիկոլ Փաշինյանը պատրաստվում է ստորագրել հերթական արտաքին քաղաքական համաձայնագիրը, որը չի բխում Հայաստանի ազգային, պետական շահերից։
Նիկոլ Փաշինյանը պարտավոր է բացատրություն տալ ԱԳ արդեն նախկին նախարարի սկանդալային հայտարարության վերաբերյալ։
Արդյո՞ք Այվազյանը հեռանում է, որովհետև Փաշինյանը պարտավորվել է ստորագրել հերթական եռակողմ հայտարարությունը կամ համաձայնագիրը, որն, ըստ էության, դարձյալ ֆորմալիզացնում է տարածաշրջանում ռուս-թուրքական համաձայնությունների վրա հիմնված աշխարհակարգը։ Եվ արդյո՞ք Փաշինյանի ինքնավստահությունը՝ ՔՊ-ի 60% ստանալու մասին, սնուցվում է ոչ թե հանրային վստահությունից, այլ արտաքին օրակարգ սպասարկելու նրա «ջանասիրությունից»։
