Amazon-ը ռեկորդային՝ 18,5 մլրդ դոլարի պարտատոմսերի տեղաբաշխում է իրականացրել
Տնտեսություն
Ամերիկյան Amazon ընկերությունը 18,5 մլրդ դոլարի պարտատոմսերի տեղաբաշխում է իրականացրել: Ինչպես հայտնում է Bloomberg գործակալությունը՝ հղում անելով իր աղբյուրներին, դա պարտատոմսերի խոշորագույն վաճառքն է ընկերության պատմության ընթացքում:
Նշվում է, որ պարտատոմսերը թողարկվել են 40 տարի ժամկետով: Պարտատոսմերի տեղաբաշխմամբ զբաղվում են Citigroup Inc., JPMorgan Chase & Co., Morgan Stanley և Wells Fargo & Co հաստատությունները:
Դրամական միջոցները կուղղվեն կորպորատիվ նպատակների, այդ թվում՝ բնաահպանական և սոցիալական ծրագրերի իրականացմանը:
Ապրիլին առցանց վաճառք իրականացնող ընկերությունը ներկայացրել էր 2020 թվականի ֆինանսական հաշվետվությունը, որի համաձայն՝ ընկերության մաքուր եկամուտը կազմել է 26,9 մլրդ դոլար՝ գերազանցելով նախորդ երեք տարվա ծավալը:
