Կորոնավիրուսով վարակման հակառեկորդ է գրանցվում. Վիճակը ծանրանում է

Հնդկաստանում վերջին մեկ օրում կորոնավիրուսով վարակման դեպքերի հերթական հակառեկորդային ցուցանիշն է գրանցվել: Ինչպես հաղորդում է РБК-ն՝ ներկաացնելով ասիական երկրի առողջապահության նախարարության տվյալները, չորրորդ օրն անընդմեջ արձանագրվում է վարակման դեպքերի ամենամեծ մեկօրյա ցուցանիշը:

Վերջին 24 ժամվա ընթացքում արձանագրվել է վարակման 349 600 դեպք, որը մեկ օրում որևէ երկրում գրանցված առավելագույն ցուցանիշն է համավարակի ողջ ընթացքում:Երկրի վարչապետ Նարդենրա Մոդին հայտարարել է, որ «կորոնավիրուսային փոթորիկը» ցնցել է Հնդկաստանը: Հիվանդացության մակարդակի կտրուկ աճով պայամանվորված՝ վերջինս կոչ է արել քաղաքացիներին զգույշ լինել և պատվաստվել:

Ընդհանուր առմամբ, երկրում ամեն օր մոտ 2000 մահվան դեպք է գրանցվում, սակայն նշվում է, որ ոչ պաշտոնական վիճակագրականտվյալը կարող է 5-10 անգամ ավելի մեծ լինել:

Մասնագետների կարծիքով՝ հիվանդության տարածման ալիքը կարող է պայամանվորված լինել կորոնավիրուսի հնդկական շտամի ի հայտ գալով: Այդ շտամը հայտնաբերվել է նաև Շվեյցարիայումև Չեխիայում:

Երկրի առողջապահության նախարարության տվյալներով՝ համավարակի սկզբից ի վեր Հնդկաստանում վարակվել է ավելի քան 16,9 մլն մարդ: Այս ցուցանիշով երկիրը երկրորդն է և զիջում է միայն ԱՄՆ-ին: Մահացածների թիվը գերազանցում է 192 հազարը: Այս ցուցանիշով Հնդկաստանը 4-րն է աշխարհում՝ ԱՄՆ-ից, Բրազիլիայից և Մեքսիկայից հետո:

Ավելին...