Պաշտոնական. Հայաստանի հավաքականն ընկերական խաղում կմրցի Շվեդիայի հետ
Ֆուտբոլի Հայաստանի ազգային հավաքականն ընկերական հանդիպում կանցկացնի Շվեդիայի հավաքականi հետ, hաղորդում է ՀՖՖ մամուլի ծառայությունը:
Հանդիպումը կանցկացվի հունիսի 5-ին Շվեդիայում:
Ֆուտբոլի միջազգային ֆեդերացիայի (ՖԻՖԱ) դասակարգման աղյուսակում Հայաստանի հավաքականը 99-րդն է, իսկ Շվեդիան 20-րդ տեղում է։
Հիշեցնենք, որ հունիսի 1-ին Հայաստանի հավաքականն ընկերական հանդիպում է անցկացնելու նաև աշխարհի գործող փոխչեմպիոն Խորվաթիայի հավաքականի հետ։
Այս ամիս Խոակին Կառառոսի գլխավորած թիմը կսկսի պայքարը Քաթարում կայանալիք 2022թ. ֆուտբոլի աշխարհի առաջնության ընտրական փուլի J խմբում, որտեղ մրցակիցներն են Գերմանիան, Ռումինիան, Իսլանդիան, Հյուսիսային Մակեդոնիան և Լիխտեյնշտեյնը։ Հայկական թիմն ընտրական փուլը կսկսի Լիխտենշտեյնի հավաքականի հետ արտագնա հանդիպումով, որը տեղի կունենա մարտի 25-ին (խաղացանկ):
