ՊՆ-ն Տավուշի շուրջ զարգացումների մասին
Սոցիալական ցանցերով և տարբեր ԶԼՄ-ներով տարածվող տեղեկությունը, թե Տավուշի մարզի մի քանի գյուղերի տարածքում «արդեն երկու օր է մոտ 500 ռուս խաղաղապահներ և ադրբեջանցիներ սահմանի երկայնքով չափագրումներ են անում», բացարձակ մտացածին է և չի համապատասխանում իրականությանը: Այս մասին հայտնում են ՀՀ ՊՆ-ից:
Եվս մեկ անգամ հորդորում ենք ձեռնպահ մնալ չստուգված, առավել ևս կեղծ տեղեկատվություն տարածելուց:
Նշենք, որ ավելի վաղ ՀՀ նախկին վարչապետ, տնտեսագետ Հրանտ Բագրատյանը ֆեյսբուքյան իր էջում հայտնել էր, որ. «Հենց այս պահին ադրբեջանցի «խաղաղապահ» զինվորները չափագրումներ են կատարում Տավուշի մարզի Ազատամուտ համայնքում, նախկին Բարխուդարլիի մերձակայքում։ Արդեն մոտեցել են մեր շատ հայրենակիցների և շատ «քաղաքավարի» ասել. ձեր գոմերն ու տները կտանեք գետից այն կողմ»:
Ազատամուտի ղեկավարն էլ մեզ հետ զրույցում հայտնել էր, որ մարզում ռուս խաղաղապահներ կան:
Ռուս խաղաղապահներն են եկել Տավուշի մարզ, բայց չգիտենք` ինչ նպատակով. Ազատամուտի համայնքապետ
