Նիկոլ, մինուճար որդուս պահել, մեծացրել եմ քո նմանների համա՞ր. անհետ կորածի մայրը՝ Փաշինյանին
Էս երեխեն անընդհատ ինձ հանգստացնում է, թե տատի մի լացի, պապան գալու է։ Այս մասին այսօր՝ փետրվարի 11–ին, Կառավարության դիմաց լրագրողների հետ զրույցում ասաց անհետ կորածի մայրը, ով մանկահասակ թոռնիկի հետ էր եկել բողոքի ձայնը բարձրացնելու։
«Աստված գիտի, թե ինչ տառապանքով եմ ես ապրում, ես ունեմ էդ մի մինուճար տղեն, 28 տարի պահել եմ, մեծացրել, Նիկոլ, քո նմանների համա՞ր։ Էսօր ով կկանգնի, մեր երեխեքին կբերի մենք նրանց կողքին կանգնած ենք»,– ասաց նա։
Անհետ կորածի մայրը նշեց, որ որդու հետ վերջին անգամ զրուցել է հոկտեմբերի 20–ին, եւ առ այսօր որեւէ լուր չունի նրանից։
«Մի անգամ դուռը չեն ծեծել, ասել, որ երեխուդ տարել կորցրել ենք, անզենք տարել, հանձնել ենք գրավված տարածքում։ Երեխեքն իրենց ավտոմատներով էնքան են պայքարել, որ վերջում անտառներն են մտել, ոչ մեկը չգնաց նրանց հետեւից։ Առանց ռազվետկի 3 ավտոբուս դու տանում, հանձնում ես թշնամուն, որ թշնամին ասի՝ տղերք, եկեք, մենք էլ ենք հայ»,– վրդովված պատմեց կինը։
