Պաթոսախեղդ ելույթներ ունենալու փոխարեն, գործ անող մարդուն ազատեք ապօրինի կալանքից...Գ. Ծառուկյանի օգնությունը բեկումնային կլինի հիմա
Պատմության ընթացքը ցույց է տվել, որ մեր ազգին չի հաջողվել ոչնչացնել միայն միասնականության և համախմբման շնորհիվ: Չնայած ադ դրական կողմերը նկատվում են միայն ծանր և օրհասական իրավիճակներում: Թվում է, թե այս անգամը ևս չպետք է բացառություն լիներ, բայց ցավոք ականատես ենք լինում իշխանությունների կողմից որդեգրած այլ մեխանիզմի: Այս պարագայում, երբ բոլորը պետք է համախմբվեին պետականության պահպանման ազգանվեր գործին՝ չգիտես ինչու ներքաղաքական կյանքում ամեն բան այդքան էլ հարթ չէ: Ամենաբարձր մակարդակով շարունակում են քաղաքական հետապնդումները, այն էլ երկրի գլխավոր դեմքերի նկատմամբ: Խոսքն առաջին հերթին վերաբերում է ԲՀԿ առաջնորդ Գագիկ Ծառուկյանին, ով վերջին շրջանում անհիմն մեղադրանքների ու սադրանքների զոհ է դառնում: Փաստն այն է, որ նրան մեղադրելու համար ոչ մի ապացույց և հիմք չկա, բայց որոշները «պադոշների» պես շարունակում են մարդուն զրկել ազատությունից: Այն էլ երկրի համար այս ծանրագույն շրջանում, երբ Գագիկ Ծառուկյանի նման հզոր մարդը իր կապերի շնորհիվ կարող էր դրական առաջընթաց գրանցել Ղարաբաղյան հակամարտության կարգավորման հարցում: Եվ դա մի անգամ չէ, որ ապացուցել է: Դեռևս 2017թ ԲՀԿ առաջնորդը իր անձնական կապերի շնորհիվ Արցախ էր հրավիրել եվրոպական 18 պատգամավորների, որի դրական հետևանքը իրեն ուշացնել չտվեց: Չենք կարող թվարկել այն բազմաթիվ միջոցառումներն ու ֆինանսական ներդրումները, որն այս տարիների ընթացքում իրականացրել և նույնիսկ ներկա պահին իրականացնում է ԲՀԿ առաջնորդը: Ուղղակի մարդն ի տարբերություն որոշների փիառով չի զբաղվում, այլ իսկապես փորձում է ինչ-որ կերպ նպաստել հարցի լուծմանը:
Սա թող լինի հիշեցում որոշ ապիկարներին, որ հայացք նետեն անցյալ և տեսնեն, թե ում են զրկել իր ժողովրդի կողքին լինելու և աջակցելու հնարավորությունից: Այնպես, որ քանի ուշ չէ՝ ազատ արձակեք Ծառուկյանին…
