Մոտ է այն օրը, երբ Փաշինյանը կկանգնի դատարանի առաջ. Ավետիք Չալաբյան
Հասարակություն
Ես կարծում եմ, որ մոտենում է այն օրը, երբ որ Նիկոլ Փաշինյանը կանգնելու է դատարանի առաջ և պատասխան է տալու իր գործած բոլոր հանցանքների համար։ Այս մասին այսօր՝ մայիսի 9–ին, լրագրողների հետ զրույցում նշեց «Հայաքվե» ազգային քաղաքացիական միավորման հիմնադիրներից Ավետիք Չալաբյանը՝ անդրադառնալով 2 օր ռաջ ԱԺ–ում վարչապետի պահվածքին, երբ նա սպառնաց ընդդիմադիրներին ԱԱԾ պադվալները լցնել։
«Այդ հանցանքները բազմաթիվ են։ Դրանցից ոմանց հետ կապված մենք ինքներս հաղորդումներ ենք ներկայացրել հանցագործության մասին, սակայն այս ավտորիտար վարչակարգի պայմաններում այդ հաղորդումները ընթացք չեն ստացել։ Բայց համոզված եմ, որ մոտ է այն օրը, երբ որ Փաշինյանը կկանգնի մեղադրյալի կնստի մեղադրյալի աթոռին, կկանգնի դատարանի առաջ և պատասխան կտա իր արածի համար։
Այն, ինչ որ մենք տեսնում ենք, դրա հետ կապված, այսպես ասած, տագնապն է և տագնապի դրսևորումներն են։ Այդ տագնապի դրսևորումները ուժնանալու են, ամեն անգամ, որ իրեն տեսնեք Ազգային ժողովի ամբիոնին կամ այլ տեղերում, տեսնելու եք ավելի և ավելի հիստերիկ, անհեթեթ դրսևորումներ։
Մի զարմացեք, դա ուղղակի խուճապի դրսևորումներ են»,–ասաց նա։
