Վրդովված ժողովրդի՝ Կառավարության շենք ներխուժելու օրը, ոստիկաններն անգամ շնորհակալություն են հայտնել ԲՀԿ-ական Դավիթ Մանուկյանին՝ ավերածությունները կանխելու և ժողովրդին հանդարտացնելու համար
Политика
Այսօր օրերին, արդեն երկուսուկես տարի երկիրը թուլացրած ու խարխլած, «իմքայլական» պատգամավորները իրենց Նիկոլ տիրակալի՝ հողերը նվիրատվություն անելու խայտառակ քայլից հետո վերջին ճիգերն են գործադրում կեղծ տեղեկություններ տարածելով: Նման անհեթեթ հայտարարություններ անելիս, սրանք մոռանում են, որ միևնույն է դավաճանի պիտակը ճակատներին հավերժ մնալու է և ժողովուրդը երբեք չի ներելու դավաճանին: Իսկ այսօր հրապարակվում է մի տեսանյութ, որտեղ հավաքաված ամբոխում ներկա է եղել նաև ԲՀԿ պատգամավոր Դավիթ Մանուկյանը, ում անունը շահարկում են ջարդարարների շարքերում: Անզեն աչքով էլ տեսանյութում երևում է, որ ԲՀԿ-ական պատգամավորը, ընդամենը իր պատգամավորական լիազորություններն օգտագործելով, փորձել է կանխել պետական գույքը վնասողներին: Արդեն պարզ է՝ ինչ մանիպուլատիվ հնարքների են դիմում իշխանականները՝ վարկաբեկելով մարդկանց անունները: Ի գիտություն նման հիմարություն հնչեցրած Լենա Նազարյանին, ԱԺ-ում ներխուժել են ԲՀԿ-ական պատգամավորների սենյակներ և վնասել այնտեղի գույքը ևս: Իսկ դուք այդ օրը ներկա լինելու և վիճակը շտկել փորձ կատարելու փոխարեն, բոլորդ պատսպարվել էիք ձեր տաքուկ թաքստոցներում, ձեր հեռախոսները անջատած, երևի հպարտանում էիք ձեր դավաճանական քայլով:
