ԱՄՆ-ի հшրձակման դեպքում Իրանը թշնшմիներին այնպիսի դաս կտա, որը նրանք երբեք չեն մոռանա. Իրանի պաշտպանության նախարար
Политика
Իրանը չի ձգտում պատերազմի, սակայն ԱՄՆ-ի հարձակման դեպքում իսլամական հանրապետությունը թշնամիներին այնպիսի դաս կտա, որը նրանք երբեք չեն մոռանա․ այս մասին հայտարարել է Իրանի պաշտպանության նախարար Ազիզ Նասիրզադեն, հայտնում է ՌԻԱ նովոստի-ն։
Ավելի վաղ ԱՄՆ նախագահ Դոնալդ Թրամփը, ԱՄՆ-ի և Իրանի ներկայացուցիչների բանակցությունների նախաշեմին, կոչ էր արել Թեհրանին գործարք կնքել՝ հակառակ դեպքում հանրապետությանը սպառնալով վատ օրով։
«Իրանի Իսլամական Հանրապետությունը պատերազմ չի փնտրում, բայց եթե պատերազմը պարտադրվի երկրին, այն կպաշտպանի իրեն ամբողջ ուժով և թշնամիներին այնպիսի դաս կտա, որը նրանք երբեք չեն մոռանա»,- ասել է Նասիրզադեն:
Իր հերթին, Իսլամական հանրապետության կառավարության պաշտոնական ներկայացուցիչ Ֆաթեմե Մոհաջերանին երեքշաբթի հայտարարել է, որ Թեհրանը նախապատվությունը տալիս է դիվանագիտությանը, այլ ոչ թե պատերազմին։
Հիշեցնենք, որ Իրանը և ԱՄՆ-ը իրանական միջուկային դոսյեի շուրջ բանակցությունների երկու փուլ են անցկացրել։ Իրանական պատվիրակությունը գլխավորում է արտաքին գործերի նախարար Աբբաս Արաղչին, ամերիկյանը՝ ԱՄՆ նախագահի հատուկ ներկայացուցիչ Սթիվ Ուիթքոֆը։ Կողմերն այս պահին աշխատում են հնարավոր համաձայնության վերաբերյալ առաջարկների շուրջ։
ԱՄՆ-ի և Իրանի միջև բանակցությունների նոր փուլը պետք է կայանա Ժնևում՝ փետրվարի 26-ին։
