Արյունաբանականի բակը այս պահին (ֆոտո)

Պրոֆ. Ռ. Յոլյանի անվան արյունաբանական կենտրոնի բակն այս պահին մարդաշատ է: Քաղաքացիներևը հերթ են կանգնել արյան դոնոր դառնալու համար:

Ֆեյսբուքյան օգտատեր Հայկ Բաբալյանը լուսանկար է հրապարակել Արյունաբանականի բակից հետեւյալ գրառմամբ:

«Արյունաբանականի բակը այս պահին

Սա է հայի տեսակը: Հայի ճակատագիրն է կռվել, սակայն հային վիճակված է ԱՊՐԵԼ»,- գրել է նա:

Ավելի վաղ Առողջապահության նախարարությունը կոչ էր արել արյուն հանձնել արյունաբանական կենտրոններում. « Հարգելի քաղաքացիներ, կոչ ենք անում արյուն հանձնելու համար դիմել միայն «Պրոֆ. Ռ. Յոլյանի անվան արյունաբանական կենտրոն» ՓԲԸ կամ արյան բանկի մարզային կառույցներ:Լրացուցիչ հայտնում ենք, որ արյան խումբն ու ռեզուս պատկանելությունը նշանակություն չունեն»:

Ավելի վաղ NEWS.am-ը հայտնել էր, որ սեպտեմբերի 27-ին՝ ժամը 07:15-ի սահմաններում, հակառակորդը, օգտագործելով հրետանային միջոցներ ու հարվածային ԱԹՍ-ներ, հարձակման է անցել արցախա-ադրբեջանական հակամարտ զորքերի շփման գծի ողջ երկայնքով՝ թիրախավորելով նաեւ խորը թիկունքում տեղակայված բնակավայրերը, այդ թվում՝ մայրաքաղաք Ստեփանակերտը:

ՊԲ ստորաբաժանումների կողմից ոչնչացվել են հակառակորդի 4 ուղղաթիռ, շուրջ 15 ԱԹՍ, այդ թվում՝ հարվածային, 10 տանկ և հետևակի մարտական մեքենա: ՊԲ ստորաբաժանումների կողմից ոչնչացվել են հակառակորդի 4 ուղղաթիռ, շուրջ 15 ԱԹՍ, այդ թվում՝ հարվածային, 10 տանկ և հետևակի մարտական մեքենա: Հակառակորդը կրել է նաեւ մարդկային կորուստներ:

Ադրբեջանական հրետակոծությունների հետեւանքով Արցախի քաղաքացիական բնակչության շրջանում կան զոհեր ու վիրավորներ: Հրետակոծել են նաեւ դպրոցներ, ներառյալ՝ Ստեփանակերտում: Քաղաքացիական ենթակառուցվածքների մեծամասշտաբ վնասներ կան բազմաթիվ բնակավայրերում: