Իսրայելի բանակը հարվածել է Գազային
Международное
Իսրայելի բանակը մի քանի հարվածներ է հասցրել Գազայի հատվածին։ Այս մասին տեղեկացրել է բանակի մամուլի ծառայությունը։
Հայտարարության համաձայն՝ հարվածները հասցվել են պաղեստինյան անկլավից Իսրայելի ուղղությամբ կատարված հրթիռային հարձակման փորձին ի պատասխան, որն Իսրայելի պաշտպանության բանակը գրանցել է հունվարի 8-ին։ Այդ ժամանակ բանակի մամուլի ծառայությունից հայտնել էին, որ Իսրայելի տարածքի ուղղությամբ արձակվել է մեկ արկ, որը չի հասել սահմանին եւ ընկել է Գազայի հատվածի ներսում։
Ի պատասխան, ինչպես հայտնել են զինվորականները, ճշգրիտ հարվածներ են հասցվել պաղեստինյան ՀԱՄԱՍ շարժման զինված արմատականներին եւ նրա մի քանի ռազմական ենթակառուցվածքային օբյեկտների։
«Հարվածների ընթացքում Իսրայելի պաշտպանության բանակը եւ Ընդհանուր անվտանգության ծառայությունը թիրախավորել են ՀԱՄԱՍ-ի մի քանի ահաբեկիչների, արձակման կայանքներ եւ մի քանի այլ ահաբեկչական ենթակառուցվածքային օբյեկտներ»,- նշվել է հայտարարության մեջ։
Իսրայելական կողմի կարծիքով՝ Գազայի հատվածից մեկ արկի արձակման փորձը «հրադադարի համաձայնագրի խախտում է»։
«Իսրայելի պաշտպանության բանակը եւ Ընդհանուր անվտանգության ծառայությունը դատապարտում են համաձայնագրի ցանկացած խախտում եւ կշարունակեն միջոցներ ձեռնարկել՝ կանխելու համար Գազայի հատվածում ահաբեկչական կազմակերպությունների կողմից Իսրայելի պաշտպանության բանակի զորքերի եւ Իսրայելի քաղաքացիական բնակչության դեմ ահաբեկչական գրոհներ իրականացնելու ցանկացած փորձ»,- նշվել է հայտարարության մեջ։
