«Բարսելոնան» պաշտոնապես դուրս է եկել Սուպերլիգայի նախագծից
СпортՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Կատալոնական «Բարսելոնան» պաշտոնապես դուրս եկավ Սուպերլիգայի նախագծից։ Այս մասին լրագրողներին հայտնել է ակումբի նախագահ Ժոան Լապորտան՝ բացատրելով այս որոշման պատճառները։
«Պատճառները պարզ են։ Մենք աշխատել ենք ՈւԵՖԱ-ի և Սուպերլիգայի միջև կապեր հաստատելու ուղղությամբ, քանի որ ձևաչափի փոփոխության շնորհիվ Չեմպիոնների լիգայում ընդհանուր պատկերի բարելավում տեսանք, ինչը նշանակում է եկամուտների 20 տոկոս աճ։ Մենք աջակցեցինք Սուպերլիգայի նախագծին, բայց տեսնելով ՈւԵՖԱ-ի ներսում ձևավորված դրական դինամիկան՝ մենք պետք է առաջնահերթություն տանք հաշտեցմանը։ Մենք նաև նշել ենք, որ Սուպերլիգայի շրջանակում առաջարկված գաղափարներից և սկզբունքներից շատերը հասկացել և ընդունել է ՈւԵՖԱ-ն՝ բացառությամբ մրցաշարերի կառավարման և կազմակերպման հարցի։
Ինչ վերաբերում է մրցաշարային համակարգին՝ եթե այն զարգացման կարիք ունի, այն կարող է բարելավվել Եվրոպական ակումբների ասոցիացիայի շրջանակում։ Կա նաև Unify հարթակը, որը խթանում էր Սուպերլիգայի գաղափարը։ ՈւԵՖԱ-ն բաց է այն ուսումնասիրելու համար և կընդունի այն, եթե այն արդյունավետ լինի։ Մենք կարծում ենք, որ կարելի է հասնել համաձայնության, և մեզ համար պարզ է՝ մեր տեղը ՈւԵՖԱ-ում է»,- ասել է Լապորտան։
Հիշեցնենք, որ «Բարսելոնան» և Մադրիդի «Ռեալը» Եվրոպական Սուպերլիգայի նախագծի առաջին մասնակիցներից էին, որը հիմնադրվել է 2021 թվականի ապրիլին։ Պաշտոնական հիմնադիրների ցանկում ներառված էին նաև Սերիա Ա-ի երեք և Պրեմիեր լիգայի վեց թիմեր, որոնք հետագայում հրաժարվել են նախագծից։
Հետևեք մեզ՝ այստեղ
