Իսրայելն առաջին անգամ հարվածել է Համասի առաջնորդներին Քաթարում
МеждународноеՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Իսրայելի պաշտպանության ուժերը և «Շին Բեթ»-ը՝ Իսրայելի ռազմաօդային ուժերի աջակցությամբ, կետային հարված են հասցրել «Համաս» ահաբեկչական խմբավորման բարձրագույն ղեկավարությանը Քաթարի մայրաքաղաք Դոհայում: Սակայն Համասը պնդում է, որ իր ղեկավար թիմը ողջ է մնացել, միաժամանակ նշվում է, որ հարվածի հետևանքով զոհվել է 6 մարդ, այդ թվում՝ Քաթարի անվտանգության ուժերի մեկ անդամ։
BBC-ի փոխանցմամբ, ԱՄՆ նախագահ Դոնալդ Թրամփն ասել է, որ ԱՄՆ-ին հարձակման մասին տեղեկացրել են ամերիկյան զինվորականները, ապա փորձել են «տեղեկացնել կատարցիներին սպասվող հարձակման մասին», բայց «շատ ուշ էր»։
Քաթարի վարչապետ շեյխ Մոհամմեդ բին Աբդուլռահման ալ-Թանին հայտարարել է, որ իր երկիրն իրեն իրավունք է վերապահում արձագանքել Իսրայելի «բացահայտ հարձակմանը»՝ հավելելով, որ ԱՄՆ-ն իրենց զգուշացրել է հարձակման մասին դրա սկսվելուց 10 րոպե անց։
Քաթարը հարվածը որակում է որպես միջազգային իրավունքի «կոպիտ խախտում»։
Հարձակումից առաջ միջոցներ են ձեռնարկվել անմեղ անցորդներին հասցված վնասը նվազագույնի հասցնելու համար, այդ թվում՝ ճշգրիտ զենքի կիրառմամբ և թիրախների լրացուցիչ հետախուզական ստուգումներով։
Իսրայելի վարչապետի գրասենյակը հայտնում է, որ Համասի ահաբեկչական խմբավորման առաջնորդների դեմ այսօրվա գործողությունները լիովին անկախ իսրայելական գործողություն էին. Իսրայելն է այն նախաձեռնել, Իսրայելն է իրականացրել, և Իսրայելը կրում է դրա համար լիակատար պատասխանատվություն։
Հետևեք մեզ՝ այստեղ
