Կինը չորս տարվա ընթացքում երեք երեխա է ունեցել՝ հինգ տարվա ազատազրկումից խուսափելու համար

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Չինաստանում մի կին չորս տարվա ընթացքում երեք երեխա է ծննդաբերել՝ խուսափելով հինգ տարվա ազատազրկումից, գրում է South China Morning Post-ը։

2020 թվականի դեկտեմբերին դատարանը չինուհի Չեն Հոնգին դատապարտել է հինգ տարվա ազատազրկման՝ խարդախության համար։ Սակայն, չինական օրենսդրության համաձայն, հղի կանայք, ինչպես նաև նորածինների մայրերը և ծանր հիվանդ դատապարտյալները կարող են ժամանակավորապես կրել իրենց պատիժը բանտից դուրս՝ տանը կամ հիվանդանոցներում, հասարակական անվտանգության մարմինների հսկողության ներքո։

Չենը ակտիվորեն օգտվել է այս բացթողումից. 2021-ից 2025 թվականներին նա երեք երեխա է ծննդաբերել մեկ տղամարդուց՝ բանտից դուրս պատիժը կրելիս։ Ստուգումների ժամանակ նա պարբերաբար ներկայացրել է հղիությունը կամ ծննդաբերությունը հաստատող բժշկական փաստաթղթեր։

Այնուամենայնիվ, դատախազները պարզել են, որ կինը չի ապրում իր երրորդ երեխայի հետ, և երեխան գրանցված է իր նախկին հարսի անունով։ Կինը խոստովանել է, որ վաղուց ամուսնալուծված է եղել. երկու երեխաները մնացել են նախկին ամուսնու մոտ, իսկ կրտսերին նա տվել է քրոջը։

Քննությունը եզրակացրել է, որ Չենը դիտավորյալ օգտագործել է իր հղիությունը՝ որպես պատժից խուսափելու միջոց։ Դատավճռի ավարտին մնացել էր մեկ տարուց էլ քիչ ժամանակ, ուստի նրան ուղարկեցին կալանավայր՝ պատիժը կրելու։

Հետևեք մեզ՝ այստեղ