Ստեղծվում է միջանցքը, իսկ ապագայում՝ նաև ամբողջ Սյունիքը հանձնելու հիմք․ իրավաբան

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Հիմա հիմք է ստեղծվում, որպեսզի «Խաղաղության խաչմերուկ» անունով միջանցքն անարգել հանձնվի Ադրբեջանին, իսկ ապագայում՝ ամբողջ Սյունիքը։» Այս մասին հուլիսի 14-ին լրագրողների հետ հանդիպմանը հայտարարել է փաստաբան Մկրտիչ Դավթյանը։

Փաստաբան Մկրտիչ Դավթյանի գնահատմամբ՝ այս ամենի նպատակը հայրենասիրական ուժերից ազատվելն է, այն ուժերի, որոնք ապագայում կարող են դեմ գնալ իշխանությունների գործողություններին։ Նա հավելել է, որ ազգային ուժերի ճնշումը նաև թույլ կտա իշխանություններին վերընտրվել 2026 թվականին։

Դավթյանը նշել է, որ իշխանություններին մնացել է իրենց ճանապարհից լուծարել Հայ եկեղեցին և ՀՅԴ «Դաշնակցությունը», մնացած բոլոր ինստիտուտները նրանք հաջողությամբ քանդել կամ շարունակում են քանդել։

Նա կարծում է, որ Հայաստանում օրենքները կիրառվում են ընտրովի։ «Մասնավորապես, օրենքը սահմանում է, որ ձերբակալման պահից անձը պետք է ապահովված լինի փաստաբանով, այն դեպքում, երբ ՀՅԴ «Դաշնակցության» յոթ անդամների ձերբակալման ժամանակ՝ փաստաբաններին շատ երկար չի թույլատրվել շփվել իրենց պաշտպանյալների մոտ։

Նույնիսկ Հայաստանի վարչապետը նախկինում 16 ամիս շարունակ չի կատարել դատական որոշումները։ Ի՞նչ պետք է սովորեն նրանից մյուսները։ Նա կարծում է, որ բոլոր նման որոշումները պետք է կայացվեն իր ցուցումով։ Չի կարելի մոռանալ նրա խոսքերը, առ այն որ՝ «Կան այնպիսի դատավորներ, որոնք կարող էին իմ հայտարարությունները․․․»», - ընդգծել է փաստաբանը։

Ավելի վաղ NEWS.am-ը հայտնել է, որ իրավապահ մարմինները հուլիսի 10-ի վաղ առավոտյան խուզարկել են ՀՅԴ անդամների տները։ Խուզարկություններ են կատարվել ՀՅԴ անդամների տներում, այդ թվում՝ Ազգային ժողովի անդամ Գեղամ Մանուկյանի, ՀՅԴ Հայաստանի Գերագույն մարմնի աշխատակազմի ղեկավար Վահագն Մատինյանի և Եղվարդի խոշորացված համայնքի ավագանու անդամ, ՀՅԴ Հայաստանի երիտասարդական միության կենտրոնական վարչության նախագահ Գևորգ Մուրադյանի տներում։

Ձերբակալվել է յոթ անձ, այդ թվում՝ Գեղամ Մանուկյանի որդին՝ Տարոն Մանուկյանը և ՀՅԴ Երևանի քաղաքային կոմիտեի անդամ Արսեն Մարտոյանը։

ՀՅԴ անդամներին մեղադրում են ահաբեկչություն նախապատրաստելու մեջ։ Փաստաբանները հայտարարում են, որ հայտնաբերված իրերը ստրայքբոլի խաղի ատրիբուտներ են։ ՀՅԴ-ի անդամները կարծում են, որ այս գործողություններն ուղղված են իրենց կուսակցության դեմ՝ որպես քաղաքական ուժի։

Հուլիսի 13-ի առավոտյան ոստիկանության ժամանակավոր կալանավայրից ազատ են արձակվել չորս կալանավորվածներ։

Հետևեք մեզ՝ այստեղ