Հիմնադրամի 2025թ. կրթական և զարգացման ծրագրի կրթաթոշակառուներն ու մասնակիցներն ընտրված են
Культура
Սիրով տեղեկացնում ենք, որ «Երաժշտություն հանուն ապագայի» 2025թ․ կրթական և զարգացման ծրագրի մրցույթի ունկնդրումների և հարցազրույցի փուլերը ամփոփվել և հաջողությամբ ավարտվել են։ Այս տարի ևս մեզ հետ էին տաղանդավոր երիտասարդ երաժիշտներ Երևանից, ինչպես նաև Արագածոտնի, Արմավիրի, Գեղարքունիքի, Լոռու, Կոտայքի և Շիրակի մարզերից, ովքեր հայտ էին ներկայացրել մասնակցելու ծրագրին։
Մրցույթին դիմած դիմորդների կատարումները լսել և գնահատել է միջազգային ժյուրիի հանձնաժողովը, որի կազմում ընդգրկված են եղել հանրահայտ երաժիշտներ և պրոֆեսորներ՝ Ջորջե Թուդորաքե, Սիլվիա Կորիչելի, Խոսե Վիսենտե Կաստելլո, Յերոն Ռիմսդեյկ, Վիսենտե Ալբերոլա, Խոսե Պինտո, Ֆրանցիսկո Լոպես, Գորդոն Ֆանտինի, Ինյակի Կուենկա և Սոֆյա Ռայչենկո:
Հիմնադրամն այս տարի ևս ընդլայնել է իր կրթական ծրագրի շրջանակները՝ հնարավորություն ընձեռելով ավելի մեծ թվով պատանի երաժիշտների ստանալ որակյալ կրթություն և մասնագիտական աջակցություն։ Արդյունքում, 2025թ․ ծրագրում ընդգրկվել են 32 կրթաթոշակառու և 8 մասնակից։
Այսպիսով, որպես «Երաժշտություն հանուն ապագայի» հիմնադրամի 2025թ․-ի կրթաթոշակառուներ և մասնակիցներ են ճանաչվում ունկնդրումների և հարցազրույցի փուլերը հաղթահարած հետևյալ դիմորդները․
ԿՐԹԱԹՈՇԱԿԱՌՈՒՆԵՐ՝
- Էդուարդ Դայան (ջութակ)
- Անի Մելիքյան (ջութակ)
- Վահե Դանիելյան (թավջութակ)
- Նարեկ Առաքելյան (թավջութակ)
- Արեն Թոփլաղալցյան (թավջութակ)
- Արփի Արաբյան (ջութակ)
- Անահիտ Խիզանցյան (ջութակ)
- Ինեսսա Շկարբանենկո (ջութակ)
- Մարիամ Սմբատյան (ջութակ)
- Արամ Ասմանգուլյան (դաշնամուր)
- Արաքս Աշճյան (դաշնամուր)
- Էդուարդ Գևորգյան (դաշնամուր)
- Էլեն Խաչիկյան Հրանտի (դաշնամուր)
- Ալեն Դանիելյան (դաշնամուր)
- Հարություն Ասատրյան (դաշնամուր)
- Միքայել Հարությունյան (սաքսոֆոն)
- Դավիթ Պարսամյան (սաքսոֆոն)
- Հովհաննես Խերիմյան (սաքսոֆոն)
- Ալեք Սահակյան (ֆլեյտա)
- Լիլիթ Ստեփանյան (կլարնետ)
- Դավիթ Հակոբյան (սաքսոֆոն)
- Մեսրոպ Օրդակյան (սաքսոֆոն)
- Արշավիր Գասպարյան (կլարնետ)
- Դավիթ Բաբայան (մարիմբա)
- Մերի Դավթյան (ֆլեյտա)
- Տիգրան Հարությունյան (գալարափող)
- Էլլա Մկրտչյան (ֆլեյտա)
- Դավիթ Տոնոյան (ֆագոտ)
- Աշոտ Ամիրբեկյան (կլարնետ)
- Գեղամ Ղազարյան (շեփոր)
- Ռազմիկ Մկրտչյան (ֆագոտ)
- Վիրաբ Զաքարյան (ֆագոտ)
ՄԱՍՆԱԿԻՑՆԵՐ`
- Մարի Դանիելյան (դաշնամուր)
- Էդուարդ Սիմոնյան (դաշնամուր)
- Մարկ Մինասյան (դաշնամուր)
- Էդգար Մխիթարյան (դաշնամուր)
- Իլլեն Ավետյան (դաշնամուր)
- Անի Բոցինյան (դաշնամուր)
- Արտյոմ Ավետիսյան (շեփոր)
- Համլետ Էմինյան (ֆագոտ)
«Երաժշտություն հանուն ապագայի» հիմնադրամն իրականացնում է համապարփակ կրթական և զարգացման ծրագիր տաղանդավոր պատանի երաժիշտների համար 7 ուղղություններով.
- Վարպետության դասեր
- Կրթական ուղևորություններ արտերկիր
- Օտար լեզուների դասեր
- Բեմական փորձ
- Այցելություն համերգների
- Թանգարանային այցեր
- Կրթաթոշակ
Հիմնադրամի մշակած բացառիկ ծրագիրը երիտասարդ երաժիշտներին ընձեռում է բարձրորակ մասնագիտական աջակցություն, ռեսուրսներ և արժեքավոր գիտելիքներ՝ նպաստելով նրանց երաժշտական զարգացմանը և առաջընթացին։ Հիմնադրամը ստեղծել է երաժիշտների պատանի սերնդի համար այնպիսի միջավայր և հարթակ, որտեղ նրանք հնարավորություն ունեն կատարելագործվել, զարգանալ, կայանալ, հաղորդակցվել դասական երաժշտության և արվեստի մեծ աշխարհում :
Շնորհակալ ենք մեր բոլոր տաղանդավոր պատանիներին, նրանց ընտանիքներին, ուսուցիչներին, դպրոցներին և նվագակցողներին՝ ծրագրի նկատմամբ ցուցաբերած մեծ հետաքրքրության, ինչպես նաև երիտասարդների կրթության և զարգացման գործում ունեցած անգնահատելի դերի համար։
Շնորհավորում ենք մեր կրթաթոշակառուներին և մասնակիցներին՝ մաղթելով շարունակական առաջընթաց, հաստատակամություն, նվիրում և փայլուն ձեռքբերումներ։
Մրցույթին մասնակցած մյուս դիմորդներին մաղթում ենք հաջողություններ և վստահ ենք, որ առաջիկայում նոր հնարավորություններ կբացվեն մեր հիմնադրամի նախաձեռնությունների շրջանակում։
