Փաշինյանն արդեն ցուցակներ է գրում
Политика
Նիկոլ Փաշինյանի «գաղափարախոսական ուղերձի» հրապարակումից հետո պարզ դարձավ, որ գործող իշխանությունները բոլորովին էլ անկեղծ չեն, երբ հայտարարում են, թե արտահերթ խորհրդարանական ընտրությունների չեն պատրաստվում։ Երկար ժամանակ վերլուծաբաններն ահազանգում էին, որ փաշինյանական վարչախումբը ռեսուրսների և միջոցների կենտրոնացում է իրականացնում՝ դրանք արտահերթ զարգացումներին օգտագործելու համար։
Ընդ որում, «Քաղաքացիական պայմանագիր» խմբակցությունն էլ անակնկալի է եկել՝ լսելով Փաշինյանի մտահանգումների մասին։ Շատերը վստահ չեն, որ հաջորդ ընտրություններին լինելու են ընտրական ցուցակներում։ Որոշներն էլ փորձում են այլ, ավելի կոմֆորտ պաշտոններ գտնել, տեղավորվել, ապահովագրել իրենց հիփոթեքի վճարումները։
Մեր աղբյուրների փոխանցմամբ, Փաշինյանն արդեն տևական ժամանակ է՝ ինչ նոր ընտրական ցուցակ է գրում։ Ընդ որում, այդ ցուցակը սկզբում գրում էր միայն Աննա Հակոբյանի հետ, իսկ այժմ ընգրկել է առավել մտերիմ կուսակցականներին՝ Արայիկ Հարությունյանին, Արսեն Թորոսյանին։
Գործող պատգամավորների մի ամբողջ խումբ փորձում է դեսպանի պաշտոն ճանկել, հեռանալ Հայաստանից ավելի ապահով երկրներ՝ անհրաժեշտ պահին փախչելու համար։ Որոշներն էլ ցանկանում են գործադիր գնալ՝ հասկանալով, որ ցուցակի լավ հորիզոնականներում չեն լինելու, իսկ ՔՊ-ին չի հաջողվելու կրկնել 2021 թ. հաջողությունը։
Արդյունքում, շատերը նաև լռության ուխտ են հայտարարել, սոցցանցերում և ԶԼՄ-ներում հրաժարվում են երևալ, պաշտպանել իշխանության դավաճանական քաղաքականությունը։
Թինա Մաթևոսյան
