«Ժողովրդավարության բաստիոնում» ճնշում են ազատ խոսքը
Политика
Քննչական կոմիտեն մեղադրանք է ներկայացրել ընդդիմադիր գործիչ Էդգար Ղազարյանին։ Նրան սպառնում է 5 տարվա ազատազրկում։ Այսօր դատարանը խափանման միջոց է կիրառելու Ղազարյանի նկատմամբ, իսկ առաջադրված մեղադրանքը ցինիկ և անհեթեթ է, ընդամենն ապացուցում է, որ «ժողովրդավարության բաստիոն» հռչակված երկրում իշխանությունները չեն հարգում ազատ խոսքի իրավունքը։
Էդգար Ղազարյանը մեղադրվում է ՀՀ քրեական օրենսգրքի 490-դ հոդվածի 1-ին մասով՝ դատավորի, դատախազի, քննիչի, քննչական մարմնի ղեկավարի, հետաքննության մարմնի, փաստաբանի, ներկայացուցչի, փորձագետի կամ հարկադիր կատարողի նկատմամբ սպառնալիքը կամ նրանց մասին տեղեկություն հրապարակելը կամ նրանց գույքը ոչնչացնելը կամ վնասելը կամ նրանց նկատմամբ բռնություն գործադրելը։
Ըստ փաստաբան Ռուբեն Մելիքյանի, վարույթը հարուցվել է, քանի որ Ղազարյանը հայտարարել է, որ Վահե Գրիգորյանը, ով վերջերս ՄԻԵԴ դատավոր դարձավ, ապօրինի կերպով է դարձել ՍԴ դատավոր։ Որևէ վիրավորանք, հայհոյանք, զրպարտություն Ղազարյանի խոսքում չկա, բայց օրենքն այնպես է ձևակերպված, որ նույնիսկ բարի խոսքի համար կարելի է քրեական վարույթ հարուցել։ Ինչն էլ արել են գործող իշխանությունները ձգտելով փակել ևս մեկ ընդդիմախոսի բերանը։
Սոֆյա Մարտիրոսյան
