Խեղճացած պատասխան՝ Ալիևի հոխորտանքներին
Общество
Նիկոլ Փաշինյանը երեկ հարցազրույց է տվել, պատասխանել Ադրբեջանի նախագահ Իլհամ Ալիևի հոխորտանքներին։ Ադրբեջանի նախագահը նախօրեին հայտարարել էր, թե խաղաղության պայմանագրի նախագծի 17 կետերից 15-ը համաձայնեցված են, և Երևանն ու Բաքուն դեռևս չեն համաձայնեցրել միմյանց նկատմամբ միջազգային հայցերից ձեռնպահ մնալու և սահմանին երրորդ երկրների ներկայացուցիչներ չտեղակայելու մասին կետերը: Միևնույն ժամանակ, Ալիևը սպառնալիքների և պահանջների նոր խմբաքանակ էր արտանետել՝ փաստացի ապացուցելով, որ խաղաղության պայմանագիր կնքելու միտք չունի։
Ըստ Փաշինյանի, եթե Ադրբեջանն էլ Հայաստանի վրա հարձակվելու մտադրություն չունի, ուրեմն տարածաշրջանում էսկալացիայի հավանականությունը զրո է։ Նշել է նաև, որ հայկական կողմը չհամաձայնեցված երկու հոդվածների վերաբերյալ արդեն մեկ ամսից ավելի առաջարկներ է փոխանցել Ադրբեջանին, որոնց Բաքուն դեռևս չի պատասխանել:
Նիկոլ Փաշինյանը դեմ չէ Ալիևի երկու պահանջներին, պատրաստ է հանել երրորդ երկրների ուժերը, հրաժարվել միջպետական գանգատներից, եթե Ադրբեջանը խաղաղության պայմանագիր ստորագրի։ Սա էլ հնարավորություն է տալու Փաշինյանին՝ ստորացուցիչ պայմանագիրը հերթական հաջողություն ներկայացնելու համար։ Փաստացի, միակ հարցը, որին Փաշինյանը դեմ է, «Արևմտյան Ադրբեջանի» հայեցակարգն է։ Դա էլ որպես դագանակ են օգտագործելու հայ հանրությանը զիջումներին պատրաստելու համար։
Ալլա Վիրաբյան
